This site is not complete. The work to converting the volumes of സര്‍വ്വവിജ്ഞാനകോശം is on progress. Please bear with us
Please contact webmastersiep@yahoo.com for any queries regarding this website.

Reading Problems? see Enabling Malayalam

നാഡീവാതകം

സര്‍വ്വവിജ്ഞാനകോശം സംരംഭത്തില്‍ നിന്ന്

നാഡീവാതകം

Nerve Gas

നാഡീപ്രവര്‍ത്തനങ്ങളെ തടയുകയോ പ്രതികൂലമായി ബാധിക്കുകയോ ചെയ്യുന്നതുമൂലം മരണമോ ഗുരുതരമായ രോഗങ്ങളോ ഉളവാക്കുന്ന പദാര്‍ഥങ്ങള്‍. രണ്ടാം ലോകയുദ്ധകാലത്ത് ജര്‍മന്‍കാര്‍ വികസിപ്പിച്ച സരിന്‍ (Sarin) എന്ന രാസപദാര്‍ഥമാണ് ആദ്യ നാഡീവാതകമായി കണക്കാക്കപ്പെടുന്നത്. നാഡീ ആവേഗങ്ങളുടെ ചാലക പദാര്‍ഥങ്ങളായ എന്‍സൈമുകളെ നശിപ്പിക്കുകയാണ് സരിന്റെ പ്രവര്‍ത്തന രീതി. വളരെ ചെറിയ അളവില്‍ത്തന്നെ മിനിട്ടുകള്‍ക്കുള്ളില്‍ മരണം ഉറപ്പാകുന്ന വിധത്തില്‍ മാരകമാണിത്. യു.എസ്സിലും മറ്റും പില്ക്കാലത്ത് കൂടുതല്‍ മാരകമായ നാഡീവാതകങ്ങള്‍ വികസിപ്പിക്കുകയുണ്ടായി. ഉദാ. യു.എസ്സിന്റെ വി.എക്സ് (Vx). എണ്ണമയമുള്ളതിനാല്‍ ഈ ദ്രാവകം കെട്ടിടങ്ങളിലും മണ്ണിലും പറ്റിച്ചേര്‍ന്ന് നിലകൊള്ളുകയും മാസങ്ങളോളം വിഷവാതകം ഉത്പാദിപ്പിച്ചുകൊണ്ടിരിക്കുകയും ചെയ്യും. ഏതാനും മില്ലിഗ്രാം അളവില്‍ ശ്വസിക്കുന്നവര്‍ക്ക് നിമിഷങ്ങള്‍ക്കുള്ളില്‍ മരണം നിശ്ചയമാണ്. നാഡീവാതകങ്ങള്‍ ഇതുവരെ യുദ്ധങ്ങളില്‍ ഉപയോഗിക്കപ്പെട്ടിട്ടില്ല. എന്നാല്‍ കൂട്ടനാശം ഉണ്ടാക്കുവാന്‍ വളരെയേറെ ക്ഷമതയുള്ള ഒന്നാണ് എന്ന് തെളിഞ്ഞിട്ടുണ്ട്. നാഡീവാതകങ്ങള്‍ കൈകാര്യം ചെയ്യുന്നത് വളരെയേറെ ആപത്കരമായതിനാല്‍ ഇവ അതേപടി ഉപയോഗിക്കാറില്ല. പകരം ലക്ഷ്യസ്ഥാനത്ത് തറയ്ക്കുമ്പോള്‍ പ്രതിപ്രവര്‍ത്തന ഫലമായി നാഡീവാതകം ഉത്പാദിപ്പിക്കാന്‍ കഴിയുന്ന അഭികാരകങ്ങളാണ് സാധാരണ ഉപയോഗിക്കുന്നത്.

താളിന്റെ അനുബന്ധങ്ങള്‍
സ്വകാര്യതാളുകള്‍