This site is not complete. The work to converting the volumes of സര്‍വ്വവിജ്ഞാനകോശം is on progress. Please bear with us
Please contact webmastersiep@yahoo.com for any queries regarding this website.
Reading Problems? see Enabling Malayalam
നവരോജ്
സര്‍വ്വവിജ്ഞാനകോശം സംരംഭത്തില്‍ നിന്ന്
നവരോജ്
ഒരു രാഗം. കര്‍ണാടക സംഗീതത്തിലെ 29-ാം മേളകര്‍ത്താരാഗമായ ധീരശങ്കരാഭരണത്തിന്റെ ജന്യം.
ആരോഹണം: പധനിസരിഗമപ
അവരോഹണം: പമഗരിസനിധപ
സമ്പൂര്‍ണരാഗമാണിത്. ന, ഗ എന്നിവയാണ് ജീവസ്വരങ്ങള്‍. ഷഡ്ജപഞ്ചമ സ്വരങ്ങള്‍ക്ക് പുറമേ ചതു: ശ്രുതി ഋഷഭം, അന്തരഗാന്ധാരം, ശുദ്ധമധ്യമം, ചതുഃശ്രുതിധൈവതം, കാകലിനിഷാദം എന്നീ സ്വരങ്ങളും ഈ രാഗത്തില്‍ വരുന്നു. മധ്യസ്ഥായിയില്‍ പഞ്ചമത്തിനുമേല്‍ സഞ്ചാരമില്ല.
ഈ രാഗത്തിലെ പ്രധാനകീര്‍ത്തനങ്ങള്‍ ഇവയാണ് - സേവേനന്ദനന്ദനം (സ്വാതി തിരുനാള്‍), ഭജരേയദുനാഥം മാനസ (സദാശിവ ബ്രഹ്മേന്ദ്രന്‍). കഥകളി സംഗീതത്തില്‍ നവരസം എന്നറിയപ്പെടുന്ന രാഗവും ഇതുതന്നെയാണ്.
അദ്ഭുതാഹ്ളാദാഭിവേശങ്ങളുടെ അവതരണത്തിനാണ് കഥകളിയില്‍ ഈ രാഗം ഉപയോഗിക്കുന്നത്. ഈ രാഗത്തിലുള്ള പ്രസിദ്ധ കഥകളിപ്പദങ്ങള്‍ ഇവയാണ്.
'നല്ലാര്‍കുലമണിയും മൌലിമാലേ' (കിര്‍മീരവധം)
'അന്തജന്മാര്‍ജിതമാമസ്മത് പുണ്യഫലം' (ദക്ഷയാഗം)
(എം. സുരേഷ്)
