This site is not complete. The work to converting the volumes of സര്‍വ്വവിജ്ഞാനകോശം is on progress. Please bear with us
Please contact webmastersiep@yahoo.com for any queries regarding this website.
Reading Problems? see Enabling Malayalam
ധ്രുവമുയല്‍
സര്‍വ്വവിജ്ഞാനകോശം സംരംഭത്തില്‍ നിന്ന്
ധ്രുവമുയല്‍
Arctic hare
ലഗാമോര്‍ഫ (Lagamorpha) ജന്തുഗോത്രത്തിലെ ലെപോറിഡെ (Leporidae) കുടുംബത്തില്‍ പ്പെടുന്ന ഒരിനം മുയല്‍. ശാസ്ത്രനാമം: ലെപ്പസ് ടിമഡസ് (Lepus timidus). നീല മുയല്‍ (Blue hare) എന്നും ഇത് അറിയപ്പെടുന്നു.
ധ്രുവമുയലുകള്‍ വേനല്‍ക്കാലത്ത് സാധാരണയായി വനപ്രദേശങ്ങളിലോ തടാകങ്ങളുടെയോ അതുപോലെയുള്ള ജലസ്രോതസ്സുകളുടെയോ സമീപത്തുള്ള കുറ്റിക്കാടുകളിലോ ആണ് അധിവസിക്കുന്നത്. എന്നാല്‍ ശീതകാലത്ത് ഇവ കുന്നിന്‍ചരിവുകളിലുള്ള ഗുഹകളില്‍ ജീവിക്കുന്നു.
ധ്രുവമുയലുകള്‍ക്ക് രണ്ടുമുതല്‍ നാലരവരെ കി.ഗ്രാം തൂക്കമുണ്ടായിരിക്കും. മഞ്ഞുകാലത്ത് വെളുത്തനിറവും വേനല്‍ക്കാലത്ത് നീലകലര്‍ന്ന വെളുപ്പുനിറവുമാണ്. ചെവിയുടെ അറ്റം കറുത്തിരിക്കും. കാല്‍പ്പാദങ്ങളിലെ കട്ടിയായ രോമാവരണം മഞ്ഞിലൂടെ സുഗമമായി നടക്കുന്നതിന് ഇവയെ സഹായിക്കുന്നു. ഇവ സസ്യാഹാരികളാണ്. മഞ്ഞുകാലങ്ങളില്‍ വൃക്ഷങ്ങളുടെയും കുറ്റിച്ചെടികളുടെയും മരത്തൊലി ഭക്ഷിച്ചാണ് ഇവ ജീവിക്കുന്നത്.
ഏകദേശം 50 ദിവസമാണ് ധ്രുവമുയലിന്റെ ഗര്‍ഭകാലം. വര്‍ഷംതോറും ഒരു പ്രാവശ്യം രണ്ടോ മൂന്നോ കുഞ്ഞുങ്ങളെ പ്രസവിക്കുന്നു. കുഞ്ഞുങ്ങള്‍ വളരെ വേഗം വളരുന്നു. ജനിച്ച് ഒന്‍പത് ദിവസം കഴിയുമ്പോള്‍ത്തന്നെ അവ സസ്യാഹാരം ഭക്ഷിക്കാറുണ്ട്. 89 വര്‍ഷമാണ് ഇവയുടെ ആയുര്‍ദൈര്‍ഘ്യം.
