This site is not complete. The work to converting the volumes of സര്‍വ്വവിജ്ഞാനകോശം is on progress. Please bear with us
Please contact webmastersiep@yahoo.com for any queries regarding this website.
Reading Problems? see Enabling Malayalam
ദ്രവീഡിയന്‍ ലിംഗ്വിസ്റ്റിക്സ് അസോസിയേഷന്‍ (DLA)
സര്‍വ്വവിജ്ഞാനകോശം സംരംഭത്തില്‍ നിന്ന്
ദ്രവീഡിയന്‍ ലിംഗ്വിസ്റ്റിക്സ് അസോസിയേഷന്‍ (DLA)
ദ്രാവിഡ ഭാഷകളുടെ ശാസ്ത്രീയപഠനങ്ങള്‍ക്കായി രൂപംനല്കിയ സംഘടന. 1971-ലാണ് ഈ സംഘടന രൂപംകൊണ്ടത്. ഇന്റര്‍നാഷണല്‍ സ്കൂള്‍ ഒഫ് ദ്രവീഡിയന്‍ ലിംഗ്വിസ്റ്റിക്സ് എന്ന ഗവേഷണ സ്ഥാപനം പ്രവര്‍ത്തിക്കുന്നത് ഈ സംഘടനയുടെ മേല്‍നോട്ടത്തിലാണ്.
1971 മുതല്‍ നടത്തിവരുന്ന വാര്‍ഷിക സമ്മേളനങ്ങളാണ് അസോസിയേഷന്റെ മറ്റൊരു പ്രധാന പ്രവര്‍ത്തനം. 1997-ല്‍ അസോസിയേഷന്റെ സില്‍വര്‍ ജൂബിലി ചെന്നൈയില്‍ ആഘോഷിക്കുകയുണ്ടായി. കേരളം, തമിഴ്നാട്, കര്‍ണാടക, ആന്ധ്ര മുതലായ സംസ്ഥാനങ്ങളിലായി മുപ്പതിലേറെ കോണ്‍ഫറന്‍സുകള്‍ അസോസിയേഷന്‍ സംഘടിപ്പിച്ചിട്ടുണ്ട്.
ഇന്റര്‍നാഷണല്‍ ജേണല്‍ ഒഫ് ദ്രവീഡിയന്‍ ലിംഗ്വിസ്റ്റിക്സ് എന്ന അര്‍ധവാര്‍ഷിക പ്രസിദ്ധീകരണം അസോസിയേഷന്റെ മികച്ച സംഭാവനയാണ്. കേരള സര്‍വകലാശാലയുടെ ധനസഹായത്തോടെ 1972-ലാണ് ഈ പ്രസിദ്ധീകരണം ആരംഭിച്ചത്. ദ്രാവിഡ ഭാഷാസംബന്ധമായ ഗവേഷണ പ്രവര്‍ത്തനങ്ങളിലേക്ക് വെളിച്ചം വീശുന്ന മികവുറ്റ പ്രസിദ്ധീകരണമാണിത്. പ്രസിദ്ധ ഭാഷാശാസ്ത്രജ്ഞനായ പ്രൊഫസര്‍ വി.ഐ. സുബ്രഹ്മണ്യം ഈ പ്രസിദ്ധീകരണത്തിന്റെ ഓണററി ചീഫ് എഡിറ്ററായി ഇപ്പോള്‍ (2007) പ്രവര്‍ത്തിച്ചുവരുന്നു.
ഡി.എല്‍.എ. ന്യൂസ് എന്ന പേരില്‍ ഒരു ന്യൂസ് ലെറ്ററും അസോസിയേഷന്‍ തുടര്‍ച്ചയായി പ്രസിദ്ധീകരിക്കുന്നുണ്ട്. ഇന്റര്‍നാഷണല്‍ സ്കൂള്‍ ഒഫ് ദ്രവീഡിയന്‍ ലിംഗ്വിസ്റ്റിക്സിന്റെയും ജേര്‍ണലിന്റെയും മറ്റും വിവരങ്ങള്‍ നല്കുന്ന മാസികയാണിത്. 1977-ല്‍ ഇതിന്റെ പ്രസിദ്ധീകരണം ആരംഭിച്ചു.
(കെ. പ്രകാശ്)
