This site is not complete. The work to converting the volumes of സര്‍വ്വവിജ്ഞാനകോശം is on progress. Please bear with us
Please contact webmastersiep@yahoo.com for any queries regarding this website.
Reading Problems? see Enabling Malayalam
ദാവണ്‍ഗെരെ
സര്‍വ്വവിജ്ഞാനകോശം സംരംഭത്തില്‍ നിന്ന്
ദാവണ്‍ഗെരെ
Davangere
കര്‍ണാടക സംസ്ഥാനത്തില്‍ പ്പെടുന്ന ഒരു താലൂക്കും പട്ടണവും. ബാംഗ്ലൂരിന് 240 കി.മീ. വടക്കുപടിഞ്ഞാറായി സ്ഥിതിചെയ്യുന്ന ദാവണ്‍ഗെരെ സംസ്ഥാനത്തിലെ ഒരു മുഖ്യ വ്യാവസായിക-വാണിജ്യകേന്ദ്രം കൂടിയാണ്.
കര്‍ണാടകയിലെ ചിത്രദുര്‍ഗാ ജില്ലയില്‍ പ്പെട്ട ദാവണ്‍ഗെരെയുടെ ഭൂരിഭാഗവും സമതലപ്രദേശമാണ്. ധാരാളം വ്യവസായങ്ങള്‍ ഈ പ്രദേശത്ത് കേന്ദ്രീകരിച്ചിരിക്കുന്നു. എണ്ണമില്ലുകള്‍, വനസ്പതി ഉത്പാദനകേന്ദ്രങ്ങള്‍, നിലക്കടല സംസ്കരണശാലകള്‍ എന്നിവകൂടാതെ അനേകം വസ്ത്രനിര്‍മാണശാലകളും ദാവണ്‍ഗെരെയിലുണ്ട്. കൈത്തറി-കമ്പിളി-പരുത്തി തുണിത്തരങ്ങള്‍ക്ക് ഏറെ പ്രസിദ്ധമാണിവിടം. പട്ടണത്തിലും പ്രാന്തപ്രദേശങ്ങളിലുമാണ് തുണിമില്ലുകള്‍ കേന്ദ്രീകരിച്ചിരിക്കുന്നത്. വനസ്പതി, നിലക്കടല എണ്ണ, തുണിത്തരങ്ങള്‍ മുതലായവയാണ് ഇവിടത്തെ മുഖ്യ വ്യാവസായികോത്പന്നങ്ങള്‍. കന്നുകാലിവളര്‍ത്തല്‍ പ്രധാന ഉപജീവനമാര്‍ഗമാണ്. മെഡിക്കല്‍ കോളജ്, എന്‍ജിനീയറിങ് കോളജ് എന്നിവയുള്‍പ്പെടെ നിരവധി വിദ്യാഭ്യാസ സ്ഥാപനങ്ങള്‍ ഇവിടെ പ്രവര്‍ത്തിക്കുന്നു.
