This site is not complete. The work to converting the volumes of സര്‍വ്വവിജ്ഞാനകോശം is on progress. Please bear with us
Please contact webmastersiep@yahoo.com for any queries regarding this website.
Reading Problems? see Enabling Malayalam
ഥാദോ ഭാഷ
സര്‍വ്വവിജ്ഞാനകോശം സംരംഭത്തില്‍ നിന്ന്
ഥാദോ ഭാഷ
Thado language
സിനോ-തിബത്തന്‍ ഭാഷാഗോത്രത്തില്‍ തിബത്തോ-ബര്‍മന്‍ ഉപഗോത്രത്തിലെ ചിന്‍ സമൂഹത്തില്‍ പ്പെടുന്ന ഒരു ആദിവാസി ഭാഷ. പ്രധാനമായും മണിപ്പൂരിലും അസം, നാഗാലാന്‍ഡ്, അരുണാചല്‍പ്രദേശ്, മേഘാലയ എന്നിവിടങ്ങളില്‍ നാമമാത്രമായും പ്രചാരത്തിലിരിക്കുന്നു.
ഈ ഭാഷയില്‍ ആറ് സ്വരങ്ങളും 23 വ്യഞ്ജനങ്ങളും ഉണ്ട്. റോമന്‍ലിപി ഉപയോഗപ്പെടുത്തിയിട്ടുള്ള ഈ ഭാഷയുടെ സ്വനിമവിഭാഗത്തില്‍ ഒരു കണ്ഠ്യസ്വരം ഉപയോഗിക്കുന്നു.
മാനകീകരണത്തിനു വിധേയമായിക്കൊണ്ടിരിക്കുന്ന ഥാദോ ഭാഷയില്‍ ഏതാനും ചില സാഹിത്യസൃഷ്ടികളും ഗ്രന്ഥങ്ങളും പ്രസിദ്ധീകൃതമായിട്ടുണ്ട്. ഔദ്യോഗിക ഭാഷയായി അംഗീകാരം ലഭിച്ചിട്ടില്ലെങ്കിലും ആകാശവാണിയില്‍ കുറച്ചു സമയത്തേക്ക് ഈ ഭാഷയിലെ പരിപാടികള്‍ പ്രക്ഷേപണം ചെയ്യുന്നുണ്ട്.
