This site is not complete. The work to converting the volumes of സര്‍വ്വവിജ്ഞാനകോശം is on progress. Please bear with us
Please contact webmastersiep@yahoo.com for any queries regarding this website.
Reading Problems? see Enabling Malayalam
താമരശ്ശേരി
സര്‍വ്വവിജ്ഞാനകോശം സംരംഭത്തില്‍ നിന്ന്
താമരശ്ശേരി
(654).png)
ഭൂപ്രകൃതിയനുസരിച്ച് കുന്നുകളും മലകളും താഴ്വരകളും ഉള്‍പ്പെട്ട താമരശ്ശേരി തികച്ചും ഒരു കാര്‍ഷിക ഗ്രാമമാണ്. പ്രധാന വിളയായ തെങ്ങിനു പുറമേ മറ്റു വിളകളും ഇവിടെ ധാരാളമായി കൃഷി ചെയ്യുന്നുണ്ട്. കുളങ്ങളാണ് മുഖ്യ ജലസ്രോതസ്സുകള്‍. തദ്ദേശീയരില്‍ ഏറിയപേരും കൃഷിയെ ആശ്രയിച്ചു ജീവിക്കുന്നു. ചെറുതും വലുതുമായ 24 സ്കൂളുകള്‍ താമരശ്ശേരിയില്‍ പ്രവര്‍ത്തിക്കുന്നുണ്ട്. വന്‍ വ്യവസായങ്ങളൊന്നുമില്ലാത്ത ഇവിടെ പരമ്പരാഗത നെയ്ത്തിനെ ആശ്രയിച്ചു ജീവിക്കുന്ന ഏതാനും കുടുംബങ്ങളുണ്ട്. ക്ഷേത്രങ്ങളിലും കാവുകളിലും ഉത്സവങ്ങളോടനുബന്ധിച്ച് തെയ്യം, തിറ, വട്ടക്കളി, കോല്‍ക്കളി, കളരിപ്പയറ്റ് എന്നിവ അവതരിപ്പിക്കപ്പെടുന്നു. നിരവധി കളരി സംഘങ്ങളും ഇവിടെ പ്രവര്‍ത്തിക്കുന്നുണ്ട്. ഗ്രന്ഥശാല, വില്ലേജ് ഓഫീസ്, പഞ്ചായത്ത് ഓഫീസ്, പോസ്റ്റ് ഓഫീസ് തുടങ്ങിയവ ഇവിടത്തെ പ്രധാന സര്‍ക്കാര്‍ സ്ഥാപനങ്ങളാണ്. താമരശ്ശേരി ജീരകപ്പാറ വനപ്രദേശം പ്രകൃതിരമണീയമാണ്.
