This site is not complete. The work to converting the volumes of സര്‍വ്വവിജ്ഞാനകോശം is on progress. Please bear with us
Please contact webmastersiep@yahoo.com for any queries regarding this website.
Reading Problems? see Enabling Malayalam
ഡിസ്കവറി ചാനല്‍
സര്‍വ്വവിജ്ഞാനകോശം സംരംഭത്തില്‍ നിന്ന്
ഡിസ്കവറി ചാനല്‍
Discovery Channel
അമേരിക്കയില്‍ നിന്നാരംഭിച്ച എഡ്യുക്കേഷണല്‍ ടെലിവിഷന്‍ നെറ്റ് വര്‍ക്ക്. 1985 ജൂണ്‍ പതിനേഴിന് പ്രവര്‍ത്തനം ആരംഭിച്ചു. ജോണ്‍ ഹെന്‍ട്രിക്സ് ആണ് ഈ ചാനലിന് രൂപം നല്‍കിയത്. 1987-ല്‍ സോവിയറ്റ് ടെലിവിഷനെ സംബന്ധിച്ച് 66 മണിക്കൂര്‍ സംപ്രേഷണം നടത്തി അമേരിക്കക്കാരായ പ്രേക്ഷകരെ ആകര്‍ഷിച്ചു. അതേവര്‍ഷം തന്നെ ജപ്പാനില്‍ സംപ്രേഷണം നടത്തുന്നതിന് മിത്സുബിഷി കോര്‍പ്പറേഷന് അനുവാദം നല്‍കി.
1990-ല്‍ ഡിസ്ക്കവറി ഇന്റര്‍ആക്ടീവ് ലൈബ്രറി ആരംഭിക്കുകയും 92-ല്‍ സ്കൂള്‍ വിദ്യാര്‍ഥികള്‍ക്കു വേണ്ടി 'റെഡിസെറ്റ് ലേണ്‍' എന്ന പ്രോഗ്രാമിന്റെ സംപ്രേഷണം നടത്തുകയും ചെയ്തു. 1993-ല്‍ ഡിസ്കവറി ചാനലില്‍ വന്ന ഡോക്യുമെന്ററി ഇന്‍ ദ് കമ്പനി ഒഫ് വെയില്‍സ് സിഡിറോമിലാക്കി പുറത്തിറക്കി.
ഏഷ്യന്‍ മേഖലയ്ക്കുവേണ്ടിയുള്ള ഡിസ്ക്കവറി ചാനലിന്റെ ഒരു നെറ്റ് വര്‍ക്ക് 1994-ല്‍ ആരംഭിച്ചു. 95-ല്‍ ഇന്ത്യയ്ക്കുവേണ്ടി ഒരു പ്രത്യേക ചാനല്‍ ആരംഭിക്കുകയും ചെയ്തു. 1996-ല്‍ ആരംഭിച്ച ആനിമല്‍ പ്ലാനറ്റ് എന്ന ചാനല്‍ ഏറെ പ്രചാരം നേടി. രണ്ടു വര്‍ഷക്കാലംകൊണ്ടു നാലുകോടി വരിക്കാരെ നേടിയ ഈ ചാനല്‍ 98-ല്‍ ഏഷ്യയിലും സംപ്രേഷണം തുടങ്ങി. ഇതോടൊപ്പം തന്നെ ഡിസ്കവറി ഹെല്‍ത്ത് ചാനലും വിങ്സ് ചാനലും ആരംഭിച്ചു.
വിയറ്റ്നാം യുദ്ധത്തെ സംബന്ധിച്ച് തയ്യാറാക്കിയ ഫിലിമിനു 1998-ലെ എമ്മി അവാര്‍ഡ് ഡിസ്കവറി ചാനലിന് ലഭിക്കുയുണ്ടായി. 99-ല്‍ ആനിമല്‍ പ്ലാനറ്റിന്റെ 24 മണിക്കൂര്‍ സംപ്രേഷണം ഇന്ത്യയിലാരംഭിച്ചു. അതേവര്‍ഷം തന്നെ ഇന്റര്‍നെറ്റ് പ്രേക്ഷകര്‍ക്കുവേണ്ടി വെബ് ടി.വിയുമായി കരാറുണ്ടാക്കി.
2000-ല്‍ സംപ്രേഷണം ചെയ്ത വാക്കിങ് വിത്ത് ദിനോസര്‍ എന്ന മൂന്നു മണിക്കൂര്‍ സ്പെഷ്യല്‍ പ്രോഗ്രാമിന് ഏറ്റവുമധികം പ്രേക്ഷകരെ ലഭിക്കുകയുണ്ടായി. വാച്ച് വിത്ത് ദ് വേള്‍ഡ് ഇന്‍സൈഡ് ദ് സ്പേസ് സ്റ്റേഷന്‍ എന്ന പ്രോഗ്രാമിന്റെ സംപ്രേഷണവും ഈ വര്‍ഷം തന്നെയായിരുന്നു. ആനിമല്‍ പ്ലാനറ്റിലെ ആദ്യ സിനിമയായ റിട്രിവേഴ്സ് ഏറ്റവുമധികം പ്രേക്ഷകരെ നേടി.
'ഡിജിറ്റല്‍ ആനിമേഷന്‍ ആന്‍ഡ് വിഷ്വല്‍ ഇഫക്റ്റീവ് ഫിഡിലിറ്റി യൂസ് സ്റ്റുഡിയോ' 2001-ല്‍ മോണ്‍റിയോയില്‍ ആരംഭിച്ചു. അമേരിക്കയിലെ ഏറ്റവും മികച്ച ആറു സ്ഥാപനങ്ങളില്‍ ഒന്നായി ഫൊര്‍ച്യൂണ്‍ മാഗസീന്‍ സര്‍വേ 2002-ല്‍ തിരഞ്ഞെടുത്തത് ഡിസ്കവറി ചാനലിനെയാണ്.
ഇന്ത്യയില്‍ സോണി ടി.വിയുമായി സഹകരിച്ച് പ്രവര്‍ത്തിക്കുവാന്‍ ഡിസ്കവറി ചാനല്‍ ഒരു കരാറില്‍ ഏര്‍പ്പെട്ടിട്ടുണ്ട്.
