This site is not complete. The work to converting the volumes of സര്‍വ്വവിജ്ഞാനകോശം is on progress. Please bear with us
Please contact webmastersiep@yahoo.com for any queries regarding this website.
Reading Problems? see Enabling Malayalam
ഡല്‍ഹി ലൈബ്രറി അസ്സോസ്സിയേഷന്‍
സര്‍വ്വവിജ്ഞാനകോശം സംരംഭത്തില്‍ നിന്ന്
ഡല്‍ഹി ലൈബ്രറി അസ്സോസ്സിയേഷന്‍
Delhi,Library Association
പി. എന്‍. കൗളയുടെ നേതൃത്വത്തില്‍ 1953 ആഗ. -ല്‍ ഡെല്‍ഹി ആസ്ഥാനമാക്കിക്കൊണ്ട് രൂപീകരിച്ച ഗ്രന്ഥശാലാ സംഘടന. ഡല്‍ഹി സംസ്ഥാനത്തിന്റെ 'പബ്ലിക് ലൈബ്രറീസ് ബില്‍' തയ്യാറാക്കുകയാണ് സംഘടന ആദ്യമായി ചെയ്തത്. എന്നാല്‍ അന്ന് ഡല്‍ഹിക്ക് സംസ്ഥാന പദവി ഇല്ലാതായതിനാല്‍ ഈ ബില്‍ വെളിച്ചം കില്ല.
ഡല്‍ഹിയിലെ ലൈബ്രറികളെക്കുറിച്ച് ഒരു പഠനവും സര്‍വെയും നടത്തുക എന്നതായിരുന്നു സംഘടനയുടെ രണ്ടാമത്തെ പരിപാടി. ഈ സര്‍വെയുടെ അനന്തരഫലമായി ഡല്‍ഹിയിലെ വ്യത്യസ്ത ലൈബ്രറികളില്‍ ജോലി ചെയ്യുന്ന ജീവനക്കാര്‍ക്കുവേണ്ടി ഈ സംഘടന ലൈബ്രറി സയന്‍സില്‍ ഒരു സര്‍ട്ടിഫിക്കറ്റ് കോഴ്സ് ആരംഭിച്ചു.
ഡല്‍ഹി ലൈബ്രറി അസോസിയേഷന്റെ മുഖപത്രമായി 'ലൈബ്രറി ഹെറാള്‍ഡ്' എന്നൊരു പ്രസിദ്ധീകരണത്തിനും തുടക്കം കുറിച്ചു. ലൈബ്രറി സയന്‍സിനെക്കുറിച്ച് ഹിന്ദിയില്‍ പുസ്തകങ്ങള്‍ പ്രസിദ്ധീകരിക്കുവാനും പദ്ധതികളുണ്ടാക്കി. ഈ സംഘടനയുടെ ആഭിമുഖ്യത്തില്‍ പുസ്തകപ്രദര്‍ശന മേളകള്‍, ദേശീയ-അന്തര്‍ദേശീയ ഗ്രന്ഥശാലാപ്രവര്‍ത്തക സമ്മേളനങ്ങള്‍ തുടങ്ങിയവ കൂടെക്കൂടെ നടത്തുകയും ഗ്രന്ഥശാലാ പ്രവര്‍ത്തനങ്ങള്‍ക്ക് ആക്കം കൂട്ടുകയും ചെയ്തുവരുന്നു.
