This site is not complete. The work to converting the volumes of സര്‍വ്വവിജ്ഞാനകോശം is on progress. Please bear with us
Please contact webmastersiep@yahoo.com for any queries regarding this website.

Reading Problems? see Enabling Malayalam

ഡയാസ്പോര്‍

സര്‍വ്വവിജ്ഞാനകോശം സംരംഭത്തില്‍ നിന്ന്

ഡയാസ്പോര്‍

Diaspore

ഒരു ഓര്‍തോറേംബിക് ധാതവം. രാസസംഘടനം: AlO (OH). ചിലപ്പോള്‍ മാങ്ഗനീസിന്റെയോ, ഇരുമ്പിന്റെയോ ചെറിയൊരു ശ. മാ. ഉള്‍പ്പെട്ടിരിക്കും. ബൊഹിമൈറ്റ്, ഗിബ്സൈറ്റ് ധാതവങ്ങള്‍ക്കൊപ്പം കാണപ്പെടുന്ന ഡയാസ്പോര്‍ അലൂമിനിയത്തിന്റെ സ്രോതസ്സുകളില്‍ ഒന്നാണ്. പാളികളോ സ്തരങ്ങളോ ആയി പ്രകൃതിയില്‍ കാണപ്പെടുന്നു. മിക്കപ്പോഴും വര്‍ണരഹിതമായ ഡയാസ്പോര്‍ വെളുത്ത നിറത്തിലും ലഭ്യമാണ്. പച്ചയും തവിട്ടും നിറങ്ങളിലുള്ള ഡയാസ്പോര്‍ നിക്ഷേപങ്ങളും കണ്ടെത്തിയിട്ടുണ്ട്. മാങ്ഗനീസ് അടങ്ങിയ ഡയാസ്പോറിന് ചുവപ്പു നിറമാണ്. ആ. ഘ. : 3.3 - 3.5; കാഠിന്യം : 6.5 - 7; ചൂര്‍ണാഭ : വെള്ള; പൊട്ടല്‍: ശംഖാഭം; വിദളനം: പരിപൂര്‍ണം (Perfect); സുതാര്യത: പാരദര്‍ശകം മുതല്‍ പാരഭാസകം വരെ. ഭംഗുരതയാണ് (Brittleness) ധാതവത്തിന്റെ മറ്റൊരു പ്രധാന ഭൗതിക ഗുണം.

എമെറി നിക്ഷേപത്തില്‍ കൊറത്തോടൊപ്പവും, ചുണ്ണാമ്പുകല്ലില്‍ സ്വതന്ത്രാവസ്ഥയിലും, ബോക്സൈറ്റില്‍ പിണ്ഡാവസ്ഥയിലും ഡയാസ്പോര്‍ ഉപസ്ഥിതമായിരിക്കുന്നു.

താളിന്റെ അനുബന്ധങ്ങള്‍
സ്വകാര്യതാളുകള്‍