This site is not complete. The work to converting the volumes of സര്‍വ്വവിജ്ഞാനകോശം is on progress. Please bear with us
Please contact webmastersiep@yahoo.com for any queries regarding this website.
Reading Problems? see Enabling Malayalam
ഡയറിക്കുറിപ്പുകള്‍
സര്‍വ്വവിജ്ഞാനകോശം സംരംഭത്തില്‍ നിന്ന്
05:32, 10 ഡിസംബര്‍ 2008-നു ഉണ്ടായിരുന്ന രൂപം സൃഷ്ടിച്ചത്:- Technoworld (സംവാദം | സംഭാവനകള്‍)
ഡയറിക്കുറിപ്പുകള്‍
ദൈനംദിനാനുഭവങ്ങള്‍, സംഭവങ്ങള്‍, ചിന്തകള്‍ ഇവ അന്നന്നു രേഖപ്പെടുത്തി സൂക്ഷിക്കുന്ന രേഖ. ദിനസരിക്കുറിപ്പുകള്‍ എന്നും അറിയപ്പെടുന്നു. ഇവ സ്വന്തമായോ മറ്റുള്ളവര്‍ വഴിയോ പ്രസിദ്ധീകരിക്കുമ്പോള്‍ ആത്മകഥാംശമുള്‍ക്കൊള്ളുന്ന സാഹിത്യരൂപമായിത്തീരുന്നു.
ദിവസം എന്ന് അര്‍ഥമുള്ള ഡീയസ് (റശല) എന്ന ലത്തീന്‍ പദത്തില്‍ നിന്നു വന്ന ഡയാറിയം (റശമൃശൌാ) എന്ന പദമാണ് ഡയറി എന്ന പദത്തിന്റെ പൂര്‍വരൂപം. 'ഓരോ ദിവസവും രേഖപ്പെടുത്തുന്ന കണക്ക്' എന്നാണ് ഡയാറിയം എന്ന പദത്തിനര്‍ഥം. അന്നന്നു കുറിച്ചിട്ടിരുന്ന വരവു ചെലവു കണക്കുകള്‍, കൂലി തുടങ്ങിയവയാകണം ദിനസരിക്കുറിപ്പുകളുടെ ആദ്യ രൂപം. വിശേഷപ്പെട്ട സംഭവങ്ങള്‍, സംഭവങ്ങളെപ്പറ്റിയോ ചുറ്റുപാടിനെപ്പറ്റിയോ ഉള്ള വിശകലനം, വിശേഷ വ്യക്തിത്വം പ്രതിഫലിക്കുന്ന ചിന്തകള്‍ തുടങ്ങിയവ രേഖപ്പെടുത്തിയിട്ടുള്ള ദിനസരിക്കുറിപ്പുകളാണ് സാഹിത്യം, കല, തത്ത്വചിന്ത തുടങ്ങിയ മേഖലകള്‍ക്കു മുതല്‍ക്കൂട്ടാകുന്ന നിലയില്‍ പ്രസിദ്ധീകൃതമായിട്ടുള്ളത്.
