This site is not complete. The work to converting the volumes of സര്‍വ്വവിജ്ഞാനകോശം is on progress. Please bear with us
Please contact webmastersiep@yahoo.com for any queries regarding this website.
Reading Problems? see Enabling Malayalam
ട്രൂഡോ,പിയറി എലിയറ്റ്
സര്‍വ്വവിജ്ഞാനകോശം സംരംഭത്തില്‍ നിന്ന്
ട്രൂഡോ,പിയറി എലിയറ്റ്
Trudeau,Pierre Elliott
കാനഡയിലെ രാഷ്ട്രീയ നേതാവും മുന്‍ പ്രധാനമന്ത്രിയും. ക്യൂബെക്കിലെ മോണ്‍ട്രിയേലില്‍ 1919 ഒ. 18-ന് ചാള്‍സ് എമിലി ട്രൂഡോയുടെയും ഗ്രേസ് എലിയറ്റിന്റെയും മകനായി ഇദ്ദേഹം ജനിച്ചു. മോണ്‍ട്രിയേല്‍ യൂണിവേഴ്സിറ്റിയില്‍ നിന്നും നിയമബിരുദമെടുത്തശേഷം 1943-ല്‍ ഇദ്ദേഹം അഭിഭാഷകനായി. പിന്നീട് ഹാര്‍വാര്‍ഡ് യൂണിവേഴ്സിറ്റിയിലും പാരിസ് യൂണിവേഴ്സിറ്റിയിലും ലന്‍ സ്കൂള്‍ ഒഫ് എക്കണോമിക്സിലുമായി സാമ്പത്തികശാസ്ത്രം, രാഷ്ട്രമീമാംസ, നിയമം എന്നീ വിഷയങ്ങളില്‍ ഉപരിപഠനം നടത്തി. ക്യൂബെക്കില്‍ ഭരണപരിഷ്കാരം നടപ്പിലാക്കുന്നതു സംബന്ധിച്ചുള്ള പ്രവര്‍ത്തനങ്ങളില്‍ 1949-ല്‍ ഇദ്ദേഹം ഏര്‍പ്പെട്ടിരുന്നു. 1950-ല്‍ സിറ്റി ലിബര്‍ (Cite Libre) എന്നൊരു പ്രസിദ്ധീകരണവുമായി ബന്ധപ്പെട്ടു
ലിബറല്‍ പാര്‍ട്ടിക്ക് പരാജയമുണ്ടാവുകയും ജൂണില്‍ ട്രൂഡോ പ്രധാനമന്ത്രി പദം ഒഴിയുകയും ചെയ്തു. 1980-ല്‍ ലിബറല്‍ പാര്‍ട്ടിക്ക് തെരഞ്ഞെടുപ്പ് വിജയമുണ്ടായതോടെ ഇദ്ദേഹം ഒരിക്കല്‍ക്കൂടിപ്രധാനമന്ത്രിയായിത്തീര്‍ന്നു. 1984 ഫെ. -ല്‍ പ്രധാനമന്ത്രിപദം രാജിവച്ചു. നല്ലൊരു രാഷ്ട്രമീമാംസകനായ ഇദ്ദേഹം ഫെഡറലിസം ആന്‍ഡ് ഫ്രഞ്ച് കനേഡിയന്‍സ് (1968), കനേഡിയന്‍ വേ: ഷേപ്പിങ് കാനഡാസ് ഫോറിന്‍ പോളിസി (1995), എഗന്‍സ്റ്റ് ദ് കറന്റ് (1996) തുടങ്ങിയ ഗ്രന്ഥങ്ങള്‍ രചിച്ചിട്ടുണ്ട്.
(പി. സുഷമ, സ. പ. )
