This site is not complete. The work to converting the volumes of സര്‍വ്വവിജ്ഞാനകോശം is on progress. Please bear with us
Please contact webmastersiep@yahoo.com for any queries regarding this website.
Reading Problems? see Enabling Malayalam
ടോളന്‍സ് അഭികാരകം
സര്‍വ്വവിജ്ഞാനകോശം സംരംഭത്തില്‍ നിന്ന്
ടോളന്‍സ് അഭികാരകം
Tollen's reagent
ആല്‍ഡിഹൈഡുകളുടെ നിര്‍ണയനത്തിനുപയോഗിക്കുന്ന ഒരു അഭികാരകം. രാസനാമം: അമോണിയാക്കല്‍ സില്‍വര്‍ നൈട്രേറ്റ്. സില്‍വര്‍ നൈട്രേറ്റിനോടൊപ്പം സോഡിയം ഹൈഡ്രോക്സൈഡ് ചേര്‍ക്കുമ്പോള്‍ കിട്ടുന്ന സില്‍വര്‍ ഓക്സൈഡ്.
2Ag No3 + 2 NaOH→Ag2↓+ 2Na No3 + H2O
ജലീയ അമോണിയത്തില്‍ (NH4OH) ലയിക്കുമ്പോള്‍ അമോണിയാക്കല്‍ സില്‍വര്‍ നൈട്രേറ്റ് [Ag(NH3)2]+ (ടോളന്‍സ് അഭികാരകം) ഉണ്ടാവുന്നു. ഈ കോംപ്ളെക്സ് സില്‍വര്‍ അയോണിനെ ആല്‍ഡിഹൈഡുകള്‍ ലോഹ സില്‍വര്‍ ആയി അപചയിക്കും. ആല്‍ഡിഹൈഡും അമോണിയാക്കല്‍ സില്‍വര്‍ നൈട്രേറ്റ് ലായനിയും ചൂടാക്കുമ്പോള്‍ കണ്ണാടിപോലെ തിളങ്ങുന്ന വെള്ളി, ടെസ്റ്റ്യൂ ബിന്റെ വശങ്ങളില്‍ പറ്റിപ്പിടിക്കുന്നു. ആല്‍ഡിഹൈഡ് നിര്‍ണ യിക്കാനുപയോഗിക്കുന്ന ഈ പരീക്ഷണം ഇതുകൊണ്ടാണ് സില്‍വര്‍ മിറര്‍ ടെസ്റ്റ് എന്നറിയപ്പെടുന്നത്. എന്നാല്‍ കീറ്റോണുകള്‍ സില്‍വര്‍ മിറര്‍ നല്‍കുകയില്ല. അതുകൊണ്ട് ആല്‍ഡിഹെഡിനെ കീറ്റോണില്‍ നിന്ന് വേര്‍തിരിച്ചറിയാന്‍ ഈ പരീക്ഷണം കൊണ്ടു കഴിയും. കണ്ണാടിയുണ്ടാക്കുന്നതിന് ഈ രാസപ്രക്രിയ ഉപയോഗിക്കുന്നുണ്ട്. ഗ്ലാസ് പ്രതലത്തില്‍ ടിന്‍ പൂശിയശേഷം മെര്‍ക്കുറിയുപയോഗിച്ച് അമാല്‍ഗമേറ്റ് ചെയ്താണ് ആദ്യകാലത്ത് കണ്ണാടി ഉണ്ടാക്കിയിരുന്നത്. 1835-ല്‍ ലീബിഗ് എന്ന രസതന്ത്രജ്ഞനാണ് ടോളന്‍സ് അഭികാരകവും ആല്‍ഡിഹൈഡും തമ്മിലുള്ള പ്രതിപ്രവര്‍ത്തന ഫലമായി കണ്ണാടിക്കു തുല്യമായ പ്രതലം ലഭിക്കുന്നതായി കണ്ടെത്തിയത്.
