This site is not complete. The work to converting the volumes of സര്വ്വവിജ്ഞാനകോശം is on progress. Please bear with us
Please contact webmastersiep@yahoo.com for any queries regarding this website.
Reading Problems? see Enabling Malayalam
ടോട്ടെമിസം
സര്വ്വവിജ്ഞാനകോശം സംരംഭത്തില് നിന്ന്
ടോട്ടെമിസം
Totemism
വ്യക്തികള്, സാമൂഹിക വിഭാഗങ്ങള് എന്നിവയെ സൂചിപ്പിക്കുന്നതിനായി പ്രതീകാത്മക രൂപത്തില് ഏതെങ്കിലും അടയാളം ഉപയോഗിക്കുന്ന സമ്പ്രദായം. തങ്ങള്ക്ക് സാമ്യമുണ്ടെന്ന വിശ്വാസത്തിന്മേല് ചില പുരാതന ജനവര്ഗങ്ങള് ഏതെങ്കിലും മൃഗത്തെയോ മരത്തെയോ വസ്തുവിനെയോ തങ്ങളെ പ്രതിനിധീകരിക്കാന് തിരഞ്ഞെടുക്കുകയും അതിന്റെ അടയാളം അതിനായി ഉപയോഗിക്കുകയും പതിവായിരുന്നു. ഇത്തരം അടയാളങ്ങളെ ടോട്ടം എന്നു പറയുന്നു. പൊതുസ്വഭാവം, അധികാരം, രക്തബന്ധം എന്നിവയെ സൂചിപ്പിക്കാനും ടോട്ടം ഉപയോഗപ്പെടുത്തിയിരുന്നു. ഉത്തര അമേരിക്കയിലെ ഒരു അല്ഗൊണ്കിയന് (Al-gonkian) ഗോത്രമായ ഒജിബ്വാ (Ojibwa)യില് നിന്നാണ് ഈ വാക്ക് ഉത്ഭവിച്ചത്. ഓരോ സാംസ്കാരിക വിഭാഗത്തിനും ഒരു പ്രത്യേക ജീവിയുമായോ വസ്തുവുമായോ ബന്ധം കല്പിക്കുന്ന തത്ത്വത്തിന്റെ അടിസ്ഥാനത്തിലാണ് ടോട്ടെമിസം നിലനില്ക്കുന്നത്. ഒരു ഗോത്രത്തിലെ എല്ലാ അംഗങ്ങളും ടോട്ടത്തെ അവരുടെ പൂര്വികനായി സങ്കല്പിച്ച് ആരാധിക്കുന്നു. ഗോത്രത്തിന്റെ ഉദ്ഭവവുമായി ടോട്ടത്തിനുള്ള ബന്ധം വിശദീകരിക്കുന്ന ഐതിഹ്യവും അവര്ക്കിടയില് പ്രചാരത്തിലുണ്ടാവും. ടോട്ടമായി കണക്കാക്കുന്ന മൃഗത്തെ ഗോത്രാംഗങ്ങള് വേട്ടയാടുകയോ കൊല്ലുകയോ ചെയ്യാറില്ല. ചില പ്രത്യേക അനുഷ്ഠാനങ്ങളില് മാത്രം ടോട്ടത്തെ ബലികഴിച്ച്, അതിന്റെ മാംസം ഭക്തിയോടെ ഭക്ഷിക്കും.