This site is not complete. The work to converting the volumes of സര്‍വ്വവിജ്ഞാനകോശം is on progress. Please bear with us
Please contact webmastersiep@yahoo.com for any queries regarding this website.
Reading Problems? see Enabling Malayalam
ടെസ്റ്റമെന്റം ഡോമിനി
സര്‍വ്വവിജ്ഞാനകോശം സംരംഭത്തില്‍ നിന്ന്
ടെസ്റ്റമെന്റം ഡോമിനി
Testamentum Domini
ആദ്യകാല ക്രൈസ്തവസഭയുടെ അടിസ്ഥാന നിയമങ്ങള്‍ വിശദീകരിക്കുന്ന ലിഖിതപരമ്പരകളില്‍ ഒന്ന്. ഇതിനു മൂന്നു ഭാഗങ്ങളുണ്ട്. സുവിശേഷസ്വഭാവമുള്ള ആമുഖം, നിയമങ്ങള്‍ അടങ്ങുന്ന ഭാഗം, സുവിശേഷ സ്വഭാവമുള്ള പരിസമാപ്തി. ഈ ലിഖിതങ്ങളെ ദൈവത്തിന്റെ വചനങ്ങളായാണ് സങ്കല്പിച്ചുപോരുന്നത്. 4-ാം ശ.-ലോ, 5-ാം ശ.-ലോ ഗ്രീക്കുഭാഷയിലാണ് ഇതു രചിക്കപ്പെട്ടത്. 7-ാം ശ.-ല്‍ ഇതു സിറിയാക് ഭാഷയിലേക്ക് തര്‍ജുമ ചെയ്യപ്പെട്ടു. ഈ പരിഭാഷ മാത്രമേ ഇപ്പോള്‍ അവശേഷിക്കുന്നുള്ളൂ.
ടെസ്റ്റമെന്റത്തിലെ നിയമങ്ങള്‍ എല്ലാം തീവ്രമായ സന്ന്യാസത്തെ സൂചിപ്പിക്കുന്നവയാണ്; ചെറുതും സുസംഘടിതവുമായ സന്ന്യാസസമൂഹത്തെ ഉദ്ദേശിച്ചുള്ളവയാണ് ഈ ലിഖിതങ്ങള്‍. ഈ സന്ന്യാസസഭയിലെ അംഗങ്ങളെ 'പണ്ഡിതര്‍', 'പരിപൂര്‍ണന്മാര്‍', 'പ്രകാശത്തിന്റെ മക്കള്‍' എന്നീ സംജ്ഞകളാല്‍ വിശേഷിപ്പിച്ചിരിക്കുന്നു. ബ്രഹ്മചര്യം, കന്യകാത്വം, ഉപവാസം, ധ്യാനം എന്നിവയ്ക്കും ദിവ്യവരദാനങ്ങള്‍ക്കും മാലാഖമാര്‍ക്കും ടെസ്റ്റമെന്റം ഡോമിനി ഏറെ പ്രാധാന്യം കല്പിച്ചിട്ടുണ്ട്.
