This site is not complete. The work to converting the volumes of സര്‍വ്വവിജ്ഞാനകോശം is on progress. Please bear with us
Please contact webmastersiep@yahoo.com for any queries regarding this website.

Reading Problems? see Enabling Malayalam

ജലന്ധര്‍

സര്‍വ്വവിജ്ഞാനകോശം സംരംഭത്തില്‍ നിന്ന്

ജലന്ധര്‍

Jalandhar

പഞ്ചാബിലെ ഒരു ജില്ലയും അതിന്റെ ആസ്ഥാനമായ പട്ടണവും. ഡല്‍ഹിയില്‍ നിന്ന് 330 കി.മീ. വ.പടിഞ്ഞാറുമാറി സ്ഥിതിചെയ്യുന്നു. ഇത് ഒരു പ്രധാന റെയില്‍ റോഡ് ജങ്ഷനാണ്. ജില്ലയുടെ വിസ്തീര്‍ണം: 2,624 ച.കി.മീ; ജനസംഖ്യ: 21,93,590 (2011). ലാഹോറില്‍ നിന്ന് 120 കി.മീ. തെ.കിഴക്കായുള്ള ഈ പട്ടണം ഒരു പ്രധാന വിനോദസഞ്ചാരകേന്ദ്രമായി വികസിച്ചിരിക്കുന്നു. ധാരാളം കോളജുകളും മറ്റു വിദ്യാഭ്യാസ സ്ഥാപനങ്ങളുമുള്ള ഈ പ്രദേശത്താണ് പ്രശസ്തമായ ഡി.എ.വി. കോളജ് സ്ഥിതിചെയ്യുന്നത്. കാര്‍ഷികോത്പന്നങ്ങളില്‍ ഗോതമ്പ്, ചോളം, ധാന്യങ്ങള്‍, പരുത്തി, കരിമ്പ് മുതലായവയ്ക്കാണ് പ്രാധാന്യം. സ്പോര്‍ട്സ് ഉത്പന്നങ്ങള്‍, കൈത്തറി, ചെറിയ ലോഹോപകരണങ്ങള്‍ (പ്രധാനമായും കൃഷിയായുധങ്ങള്‍) തുടങ്ങിയവ ഇവിടത്തെ മുഖ്യ വ്യാവസായികോത്പന്നങ്ങളില്‍പ്പെടുന്നു.

ഏഴാം ശ.-ല്‍ ഹുയാന്‍ത്സാങ് ഇന്ത്യ സന്ദര്‍ശിച്ചസമയത്ത് ജലന്ധര്‍ കച്ച് രജപുത്രരുടെ തലസ്ഥാനമായിരുന്നു. 1757-ലെ സിഖ് ആക്രമണത്തില്‍ ഈ നഗരം നശിപ്പിക്കപ്പെട്ടു. 1811-ല്‍ രണ്‍ജിത്സിങ്ങിന്റെ അധീനതയിലായ ജലന്ധറിനെ 1846-ലെ ഒന്നാം സിഖ് യുദ്ധത്തിനുശേഷം ബ്രിട്ടീഷുകാര്‍ തങ്ങളുടെ സാമ്രാജ്യത്തിന്റെ ഭാഗമാക്കിത്തീര്‍ത്തു.

താളിന്റെ അനുബന്ധങ്ങള്‍
സ്വകാര്യതാളുകള്‍