This site is not complete. The work to converting the volumes of സര്‍വ്വവിജ്ഞാനകോശം is on progress. Please bear with us
Please contact webmastersiep@yahoo.com for any queries regarding this website.
Reading Problems? see Enabling Malayalam
ഗ്ലൈക്കോളിക് അമ്ലം
സര്‍വ്വവിജ്ഞാനകോശം സംരംഭത്തില്‍ നിന്ന്
ഗ്ലൈക്കോളിക് അമ്ലം
Glycolic Acid
ഒരു കാര്‍ബണിക യൗഗികം. ഹൈഡ്രോക്സി അസെറ്റിക് അമ്ലം, ഹൈഡ്രോക്സി എഥനോയിക് അമ്ലം എന്നീ പേരുകളിലും അറിയപ്പെടുന്നു. ഫോര്‍മുല: HOCH2 COOH. രാസപരമായി ഏറ്റവും ലളിതമായ ഈ ഹൈഡ്രോക്സിഅമ്ലം കരിമ്പ്, ബീറ്റ്റൂട്ട് എന്നിവയുടെ ചാറിലും പാകമല്ലാത്ത മുന്തിരിയിലും കാണപ്പെടുന്നു. ഉരുകല്‍ നില: 80oഇ. പൊട്ടാസ്യം ക്ലോറോഅസറ്റേറ്റ് ലായനിയില്‍ സോഡിയം കാര്‍ബണേറ്റുചേര്‍ത്ത് തിളപ്പിച്ചശേഷം അമ്ലീകരിച്ചാല്‍ ഗ്ലൈക്കോളിക് അമ്ലം ലഭിക്കും.
ഫോര്‍മലിന്‍ ലായനിയില്‍ പൊട്ടാസ്യം സയനൈഡ് ചേര്‍ത്ത് ചൂടാക്കിയശേഷം അമ്ലീകരണം നടത്തിയാലും ഇതുകിട്ടും.
ഗ്ലൈക്കോളിക് അമ്ലം വന്‍തോതില്‍ ഉത്പാദിപ്പിക്കാന്‍ ഫോര്‍മാല്‍ഡിഹൈഡ്, കാര്‍ബണ്‍ മോണോക്സൈഡ്, ജലം എന്നിവയുടെ മിശ്രിതമാണ് ഉപയോഗിക്കുന്നത്. ഈ മിശ്രിതത്തെ സല്‍ഫ്യൂരിക് അമ്ലത്തിന്റെ സാന്നിധ്യത്തില്‍ അസറ്റിക് അമ്ലലായനിയില്‍ ഉയര്‍ന്ന മര്‍ദത്തില്‍ 160-170oഇ വരെ ചൂടാക്കുമ്പോള്‍ ഗ്ലൈക്കോളിക് അമ്ലം ലഭിക്കും. HCHO + CO + H2O → HOCH2COOH. ഒരു ആല്‍ക്കഹോളിന്റെയും ഒരു കാര്‍ബോക്സിലിക് അമ്ലത്തിന്റെയും രാസസവിശേഷതകള്‍ ഒരേ സമയം പ്രകടമാക്കുന്ന ഈ യൗഗികത്തിന്റെ ലാക്ടൈഡിന്റെ പേര് ഗ്ലൈക്കോളൈഡ് എന്നാണ്. നൈട്രിക് അമ്ലം ഉപയോഗിച്ച് ഗ്ലൈക്കോളിക് അമ്ലത്തെ ഓക്സീകരിച്ചാല്‍ ഓക്സാലിക് അമ്ലം ലഭിക്കും.
(ഡോ. എന്‍. മുരുകന്‍)
