This site is not complete. The work to converting the volumes of സര്‍വ്വവിജ്ഞാനകോശം is on progress. Please bear with us
Please contact webmastersiep@yahoo.com for any queries regarding this website.
Reading Problems? see Enabling Malayalam
ഗാസ്ട്രോലിത്
സര്‍വ്വവിജ്ഞാനകോശം സംരംഭത്തില്‍ നിന്ന്
ഗാസ്ട്രോലിത്
Gastrolith
കട്ടിയേറിയ ഭക്ഷണപദാര്‍ഥങ്ങള്‍ പൊടിക്കാനായി ചില ജീവികളുടെ ആമാശയത്തില്‍ കാണാറുള്ള സ്ഫടികക്കല്ല്. അപൂര്‍വം ചില മത്സ്യയിനങ്ങള്‍, ചീങ്കണ്ണി തുടങ്ങിയ ഇഴജന്തുക്കള്‍, പക്ഷികള്‍ എന്നിവയിലാണ് ഇത്തരം കല്ലുകള്‍ കാണാറുള്ളത്. ആഹാര സാധനങ്ങളോടൊപ്പമോ അല്ലാതെയോ ഈ ജീവികള്‍ ഈ കല്ലുകളെ വിഴുങ്ങുകയാണ് പതിവ്. അതിനുശേഷം ആമാശയത്തിലോ ഗിസാര്‍ഡിലോ ഇവ സൂക്ഷിക്കപ്പെടുന്നു. കട്ടിയുള്ള ആഹാരപദാര്‍ഥങ്ങളെ തുടര്‍ച്ചയായി പൊടിക്കാനുപയോഗിക്കുക വഴി ഇവ മിനുസമേറിയ സ്ഫടികക്കല്ലുകളായി മാറുകയാണ് ചെയ്യുന്നത്.
മീസോസോയിക് മഹാകല്പത്തില്‍ ജീവിച്ചിരുന്ന ചില ഇഴജന്തുവര്‍ഗങ്ങള്‍ക്കും ഗാസ്ട്രോലിത് ഉണ്ടായിരുന്നതായി ജീവാശ്മപഠനങ്ങള്‍ സൂചിപ്പിക്കുന്നു. അസ്തമിത പ്ലീസിയോസോറുകള്‍ (Plesiosaurs) ദിനോസോറുകളുടെ കൂട്ടത്തിലെ സാറോപോഡുകള്‍ (Sauropods) എന്നിവയിലും ഇത്തരം ഗാസ്ട്രോലിത്തുകള്‍ ഉണ്ടായിരുന്നതായി മനസ്സിലാക്കപ്പെട്ടിട്ടുണ്ട്.
