This site is not complete. The work to converting the volumes of സര്‍വ്വവിജ്ഞാനകോശം is on progress. Please bear with us
Please contact webmastersiep@yahoo.com for any queries regarding this website.
Reading Problems? see Enabling Malayalam
ഖാന്‍, സഹീര്‍
സര്‍വ്വവിജ്ഞാനകോശം സംരംഭത്തില്‍ നിന്ന്
ഖാന്‍, സഹീര്‍
Khan, Zaheer (1978 - )
ഇന്ത്യന്‍ ക്രിക്കറ്റ് താരം. മഹാരാഷ്ട്രയിലെ അഹമ്മദ്നഗര്‍ ജില്ലയിലെ ശ്രീരംപൂരില്‍ ബക്തിയാര്‍ഖാന്‍-സാഖിയ ദമ്പതികളുടെ മകനായി 1978 ഒ. 27-ന് ജനിച്ചു. വിദ്യാഭ്യാസകാലം മുതല്ക്കേ ക്രിക്കറ്റ് ടീം അംഗമായിരുന്നു. ഏഷ്യ XI, ബറോഡ, മുംബൈ, വോര്‍ക്കെസ്റ്റര്‍ഷൈര്‍ തുടങ്ങിയ ടീമുകള്‍ക്കുവേണ്ടി കളിച്ചിട്ടുള്ള സഹീറിന്റെ അന്താരാഷ്ട്ര ടെസ്റ്റ് ക്രിക്കറ്റ് മത്സരങ്ങളിലെ അരങ്ങേറ്റം ബംഗ്ളാദേശിനെതിരെ ധാക്കയിലും (2000 ന. 10-13) ഏകദിനത്തില്‍ കെനിയയ്ക്കെതിരെ നെയ്റോബിയിലു(2000 ഒ. 3)മായിരുന്നു. ഇടം കൈയന്‍ പേസ് ബൗളറായ സഹീറിനെ ശ്രദ്ധേയനാക്കുന്നത് പന്ത് രണ്ട് ദിശയിലേക്കും 'സ്വിങ്' ചെയ്യാനുള്ള കഴിവാണ്. ആദ്യവര്‍ഷങ്ങളില്‍ ബൗളിങ് മേഖലയില്‍ ഇന്ത്യയുടെ പേസ് ആക്രമണത്തെ നയിക്കാനായെങ്കിലും 2003-04 വര്‍ഷങ്ങളില്‍ പരിക്കുമൂലം ടീമില്‍ ഇടം നേടാനാവാതെ വിശ്രമിക്കേണ്ടിവന്നു. തുടര്‍ന്ന് 2005-ല്‍ ടീമില്‍ മടങ്ങിയെത്തിയെങ്കിലും 'ഫോം' കണ്ടെത്താനായില്ല. തുടര്‍ന്ന് ആഭ്യന്തര ക്രിക്കറ്റില്‍ മികച്ച പ്രകടനം കാഴ്ചവച്ച സഹീറിനെ ദേശീയ ടീമിലേക്കു മടക്കിവിളിച്ചു. ടെസ്റ്റില്‍ പതിനൊന്നാമനായി ബാറ്റിങ്ങിനിറങ്ങി ഏറ്റവും കൂടുതല്‍ റണ്‍സ് (75) നേടിയതിന്റെ റെക്കോര്‍ഡ് സഹീര്‍ഖാന്റെ പേരിലാണ്.
2000 മുതല്‍ 2012 സെപ്തംബര്‍ വരെയുള്ള സഹീര്‍ഖാന്റെ കായിക പ്രകടനം ഇപ്രകാരമാണ്. മികച്ച് ടെസ്റ്റ് ബൗളിങ് 10/49, മികച്ച ഏകദിന ബൗളിങ് 5/42.
