This site is not complete. The work to converting the volumes of സര്‍വ്വവിജ്ഞാനകോശം is on progress. Please bear with us
Please contact webmastersiep@yahoo.com for any queries regarding this website.

Reading Problems? see Enabling Malayalam

കൊച്ചിന്‍ ചേംബര്‍ ഒഫ് കൊമേഴ്സ് ആന്‍ഡ് ഇന്‍ഡസ്ട്രി

സര്‍വ്വവിജ്ഞാനകോശം സംരംഭത്തില്‍ നിന്ന്

കൊച്ചിന്‍ ചേംബര്‍ ഒഫ് കൊമേഴ്സ് ആന്‍ഡ് ഇന്‍ഡസ്ട്രി

ഇന്ത്യയിലെ ഏറ്റവും പഴക്കംചെന്ന വാണിജ്യ സംഘടനകളില്‍ ഒന്ന്. 1857-ല്‍ ബ്രിട്ടീഷ് വ്യാപാരികളാണ് ഈ സംഘടനയ്ക്കു തുടക്കമിട്ടത്. ആസ്പിന്‍വാള്‍, പിയേഴ്സ്, ലെസ്ളി, വാള്‍ക്കാട്ട് ബ്രദേഴ്സ്, വില്യം ഗുഡേക്കര്‍, പ്യാരി ആന്‍ഡ് കമ്പനി, മധുരകമ്പനി, ഹാരിസണ്‍ ആന്‍ഡ് ക്രോസ് ഫീല്‍ഡ്സ് എന്നീ സംരംഭകരായിരുന്നു ആദ്യകാല അംഗങ്ങള്‍.

കൊച്ചിയില്‍ തുറമുഖം സ്ഥാപിക്കുന്നതില്‍ തുടക്കം മുതലേ സഹകരിക്കുകയും പദ്ധതിയെ ചലനാത്മകമാക്കുന്നതിലും കൊച്ചിന്‍ ചേംബര്‍ ഒഫ് കൊമേഴ്സ് പ്രധാന പങ്കുവഹിച്ചിരുന്നു. കൊച്ചിയുടെ മാത്രമല്ല, സംസ്ഥാനത്തിന്റെയാകെ സാമ്പത്തിക വളര്‍ച്ചയ്ക്ക് കൊച്ചി തുറമുഖത്തിന്റെ പ്രവര്‍ത്തനം സഹായകമായി. കൂടാതെ, കൊച്ചിയില്‍ ഒരു അന്താരാഷ്ട്രാ വിമാനത്താവളം യാഥാര്‍ഥ്യമാക്കുന്നതിലും വല്ലാര്‍പാടം രാജ്യാന്തര കണ്ടെയ്നര്‍ ടെര്‍മിനല്‍ സാക്ഷാത്കരിക്കുന്നതിലും സംഘടന നിര്‍ണായക ശക്തിയായി പ്രവര്‍ത്തിച്ചു.

ചെറുതും വലുതുമായ അനവധി വ്യവസായ സംരംഭകര്‍ ഇന്ന് ഈ സംഘടനയില്‍ അംഗങ്ങളാണ്. കൊച്ചിന്‍ റിഫൈനറീസ്, ഫാക്ട്, കൊച്ചിന്‍ ഷിപ്പ്യാര്‍ഡ് തുടങ്ങി സമുദ്രോത്പന്നങ്ങള്‍, കശുവണ്ടി, കയര്‍, തേയില, റബ്ബര്‍, വളം തുടങ്ങി ഒട്ടനവധി സംരംഭകര്‍ ഇക്കൂട്ടത്തില്‍ ഉള്‍പ്പെടുന്നു. 150 വര്‍ഷത്തെ സേവന പാരമ്പര്യം ഉള്ള കൊച്ചിന്‍ ചേംബര്‍ ഒഫ് കൊമേഴ്സ് നിലവില്‍ ന്യൂഡെല്‍ഹിയിലെ അസ്സോസിയേറ്റഡ് ചേംബേഴ്സ് ഒഫ് കൊമേഴ്സ് ആന്‍ഡ് ഇന്‍ഡസ്ട്രിയുമായി അഫിലിയേറ്റ് ചെയ്യപ്പെട്ടിട്ടുള്ള ഒരു ഐ.എസ്.ഒ. 9001:2000 അംഗീകൃത സംഘടനയാണ്.

താളിന്റെ അനുബന്ധങ്ങള്‍
സ്വകാര്യതാളുകള്‍