This site is not complete. The work to converting the volumes of സര്‍വ്വവിജ്ഞാനകോശം is on progress. Please bear with us
Please contact webmastersiep@yahoo.com for any queries regarding this website.
Reading Problems? see Enabling Malayalam
കുഞ്ഞന്‍വൈദ്യർ, കെ.സി. (1867 - 1912)
സര്‍വ്വവിജ്ഞാനകോശം സംരംഭത്തില്‍ നിന്ന്
കുഞ്ഞന്‍വൈദ്യര്‍, കെ.സി. (1867 - 1912)
കേരളീയ സാഹിത്യകാരന്‍. ഓച്ചിറ പാവുക്കര കുറക്കോട്ടു വഞ്ചിയില്‍ കൊച്ചുകൃഷ്‌ണന്റെയും ആനയടി വീട്ടില്‍ കൊച്ചിക്കാവമ്മയുടെയും മകനായി 1867-ല്‍ ജനിച്ചു. കുമ്മമ്പിള്ളി രാമന്‍പിള്ള ആശാന്‍, പി.കെ. കൃഷ്‌ണന്‍ വൈദ്യര്‍, വെളുത്തേരി കേശവന്‍ വൈദ്യര്‍ എന്നിവരുടെ കീഴില്‍ വൈദ്യശാസ്‌ത്രം പഠിക്കുകയും തുടര്‍ന്ന്‌ കായംകുളത്ത്‌ ഒരു വൈദ്യശാല തുറന്നുപ്രവര്‍ത്തിക്കുകയും ചെയ്‌തു. 1901-03 വരെ വനംവകുപ്പില്‍ ഉദ്യോഗസ്ഥനായിരുന്നു. അതിനുശേഷം കൊല്ലത്ത്‌ ഇംഗ്ലീഷ്‌ ഹൈസ്‌കൂളില്‍ അധ്യാപകനായി.
കോകിലം, കനകമംഗലം എന്നീ തൂലികാനാമങ്ങളില്‍ സാഹിത്യസൃഷ്‌ടി നടത്തി. അഹല്യാമോക്ഷം, രുക്‌മിണീസ്വയംവരം ഊഞ്ഞാല്‍ പ്പാട്ട്‌, ശംബരവധം, കുചേലഗോപാലം അമ്മാനപ്പാട്ട്‌, വാസവദത്ത, മൂന്നു ഖണ്ഡകാവ്യങ്ങള്‍ എന്നിവയാണ്‌ കുഞ്ഞന്‍ വൈദ്യരുടെ പ്രധാന കൃതികള്‍. 1912-ല്‍ അന്തരിച്ചു.
