This site is not complete. The work to converting the volumes of സര്വ്വവിജ്ഞാനകോശം is on progress. Please bear with us
Please contact webmastersiep@yahoo.com for any queries regarding this website.
Reading Problems? see Enabling Malayalam
കാനക്കുറിഞ്ഞി
സര്വ്വവിജ്ഞാനകോശം സംരംഭത്തില് നിന്ന്
കാനക്കുറിഞ്ഞി
കഥകളിസംഗീതത്തിലെ ഒരു രാഗം. ഇത് ഒരു തനികേരളീയ രാഗമാണ്.
""ഇന്ദളം പുനരിന്ദിശാ, ന്തരി പാടി നാട്ടയു- മാര്ത്തനും വീരതര്ക്കമുഖാരി ഗൗരി കാനക്കുറിഞ്ഞിയുമിങ്ങനെ ഇത്തരം പല രാഗമാലകള്....''
-(കാളിയമര്ദനം-ശീതങ്കന് തുള്ളല്-കുഞ്ചന് നമ്പ്യാര്),
""തോടിയും നവരാസമാനന്ദഭൈരവിയും പാടിയും ഭൈരവിതാനും കാനക്കുറിഞ്ഞിതാനും''
-(രാജസൂയം തുള്ളല്-മണലിക്കര കല്പകമംഗലം വാസുദേവന്) എന്നിങ്ങനെ പ്രധാന തുള്ളല്കൃതികളിലും കേരളസംഗീതം (വി.മാധവന് നായര്), ദക്ഷിണേന്ത്യന് സംഗീതം (രവീന്ദ്രനാഥ്) തുടങ്ങി പല സംഗീതകൃതികളിലും ഈ രാഗത്തെക്കുറിച്ചു പ്രതിപാദിച്ചിട്ടുണ്ട്.
ഈരാഗത്തില് അനേകം കഥകളിപ്പദങ്ങള് രചിക്കപ്പെട്ടിട്ടുണ്ട്. "ദേവി പാലയ പാലയാഖില' (മീനാക്ഷീസ്വയംവരം) എന്ന പദം ഇതിനുദാഹരണമാണ്. സോപാനസംഗീതത്തില് വളരെയധികം പ്രാധാന്യമുള്ള കാനക്കുറിഞ്ഞിയിലെ ചില സ്വരസഞ്ചാരങ്ങള്ക്ക് കര്ണാടകസംഗീതത്തിലെ നാട്ടക്കുറിഞ്ഞി രാഗത്തിനോടു സാദൃശ്യമുണ്ട്.