This site is not complete. The work to converting the volumes of സര്‍വ്വവിജ്ഞാനകോശം is on progress. Please bear with us
Please contact webmastersiep@yahoo.com for any queries regarding this website.
Reading Problems? see Enabling Malayalam
കാട്ടുഴുന്ന്‌
സര്‍വ്വവിജ്ഞാനകോശം സംരംഭത്തില്‍ നിന്ന്
കാട്ടുഴുന്ന്‌
Wild black gram
ലെഗൂമിനോസീ സസ്യകുടുംബത്തില്‍പ്പെടുന്ന ഒരു ഓഷധി. ശാ.നാ.: വിഗ്ന സബ്‌ലൊബേറ്റ (Vigna sublobata). "പെരുങ്കാണം' എന്നും ഇതിന്‌ പേരുണ്ട്‌. ഈ ചെടി സംസ്‌കൃതത്തില്‍ "മാഷപര്‍ണി' എന്നറിയപ്പെടുന്നു.
നിലത്തു പടര്‍ന്നോ താങ്ങുചെടികളില്‍ ചുറ്റിയോ വളരുന്ന ഏകവര്‍ഷിയായ ഈ വള്ളിച്ചെടി ഇന്ത്യയിലുടനീളമുണ്ട്‌. നീളം കുറഞ്ഞ നേര്‍ത്ത കാണ്ഡത്തില്‍നിന്നു നാലു മീറ്ററോ അതില്‍ ക്കൂടുതലോ നീളമുള്ള നിരവധി ശാഖകള്‍ വളര്‍ന്നു പടരുന്നു. തവിട്ടു കലര്‍ന്ന ചുവപ്പു നിറത്തോടുകൂടിയ നിരവധി ചെറുലോമങ്ങളാല്‍ ആവൃതമാണ്‌ ശാഖകള്‍. നീണ്ട പത്രവൃന്തത്തോടുകൂടിയ ഇലകള്‍ ഏകാന്തരമായി ക്രമീകരിച്ചിരിക്കുന്നു. ഓരോ ഇലയും 5-10 സെ.മീ. വീതം നീളമുള്ള മൂന്ന്‌ പര്‍ണകങ്ങള്‍ ചേര്‍ന്നതാണ്‌. രോമാവൃതമായ ഓരോ പര്‍ണകത്തിന്റെ ചുവട്ടിലും പര്‍ണവൃന്തതല്‌പം (pulvinus) കാണാം. പര്‍ണകങ്ങള്‍ക്ക്‌ ആകൃതിയിലും വലുപ്പത്തിലും വളരെയധികം വ്യത്യാസമുണ്ട്‌. ചിലതിന്‌ പയറിന്റെ ഇലയുടെ ആകൃതിയാണുള്ളത്‌. പൂക്കളുണ്ടാവുന്ന ഭാഗത്തെ പര്‍ണകങ്ങള്‍ വീതി കുറഞ്ഞു നീണ്ടതും പട്ടുപോലെ മൃദുവും ആയിരിക്കും. സെപ്‌റ്റംബര്‍ മുതല്‍ ഡിസംബര്‍ വരെയാണ്‌ പൂക്കാലം. 10-12 പൂക്കള്‍ അസീമാക്ഷമഞ്‌ജരിയില്‍ ക്രമീകരിച്ചിട്ടുള്ള പൂങ്കുലകള്‍ പത്ര കക്ഷ്യങ്ങളില്‍ കാണാം. പുഷ്‌പവൃന്തത്തിന്‌ 5-18 സെ.മീ. നീളമുണ്ടായിരിക്കും. മഞ്ഞനിറമുള്ള ഓരോ പൂവിന്റെ ഞെട്ടിനും നാല്‌ മി.മീ.-ല്‍ അധികം നീളമില്ല. സഹപത്രകങ്ങള്‍ക്ക്‌ ആറ്‌ മി.മീ. നീളമുണ്ടായിരിക്കും. അഞ്ച്‌ വിദളങ്ങള്‍ ചേര്‍ന്ന വിദളപുടവും പയറിന്‍ പൂവിലേതുപോലെ ക്രമീകൃതമായ അഞ്ച്‌ ദളങ്ങള്‍ ചേര്‍ന്ന ദളപുടവുമാണ്‌ പൂവിലുള്ളത്‌. കേസരങ്ങള്‍ ദ്വിസന്ധി (diadelphous) രീതിയില്‍ ക്രമീകരിച്ചിരിക്കുന്നു. ഒരു അണ്ഡപര്‍ണം മാത്രമടങ്ങിയതാണ്‌ ജനിപുടം. അണ്ഡാശയത്തില്‍ നിരവധി ബീജാണ്ഡങ്ങള്‍ കാണുന്നു. നീളംകൂടിയ വര്‍ത്തിക കീല്‍ദളങ്ങളാല്‍ പൊതിയപ്പെട്ടിരിക്കും. 5-10 സെ.മീ. നീളമുള്ള ശിംബം ആണ്‌ ഫലം. പുറന്തോടില്‍ മൃദുലോമങ്ങളുണ്ട്‌. ഉള്ളില്‍ ഉഴുന്നുമണികളോളം വലുപ്പവും കടുംചാരനിറവുമുള്ള 10-15 വിത്തുകള്‍ കാണാം. ഇവ പോഷകമൂല്യം വളരെയുള്ളതാണ്‌. വിത്തുകളും സസ്യം സമൂലവും ഔഷധത്തിനായി ഉപയോഗിക്കുന്നു.
""മാഷപര്‍ണീ ഹിമാതിക്താ രൂക്ഷാ ശുക്രവലാസകൃത്‌ മധുരാ ഗ്രാഹിണീ ശോഥ വാതപിത്തജ്വരാസ്രജിത്‌'' എന്ന്‌ ഭാവപ്രകാശത്തിലും ""മാഷപര്‍ണീ രസേ തിക്താ ശീതളാരക്തപിത്തജിത്‌ കഫശുക്രകരീബല്യാ ഹന്തി ദാഹജ്വരാനിലാന്‍''
എന്ന്‌ കാട്ടുഴുന്നിന്റെ ഗുണങ്ങളെപ്പറ്റി പറഞ്ഞുകാണുന്നു. നോ. കാട്ടുപയര്‍
ചിറയ്‌ക്കല്‍, കോട്ടയം, കുറുമ്പ്രനാട്‌ എന്നീ രാജകുടുംബങ്ങളുടെ ഔദ്യോഗിക തന്ത്രികള്‍ കാട്ടുമാടം നമ്പൂതിരിപ്പാടന്മാരാണ്‌. കാട്ടുമാടത്തിലെ പരദേവതകള്‍ "പയ്യൂര്‍ മല മുത്തശ്യമ്മ' എന്ന ഭദ്രകാളിയും പളറ്റിക്കുന്നത്തു (കണ്ണൂര്‍) ഭഗവതി (ദുര്‍ഗ)യുമാണ്‌. ശൈവ-വൈഷ്‌ണവസങ്കരമായ കുട്ടിച്ചാത്തന്‍ ഈ മനക്കാരുടെ രക്ഷാപുരുഷനാണെന്നു വിശ്വസിക്കപ്പെടുന്നു. ചാത്തന്‍ ദോഷത്തിന്‌ അവസാനത്തെ പരിഹാരം ലഭിക്കുന്നത്‌ ഈ മനയില്‍നിന്നുമാണെന്ന ഒരു വിശ്വാസം നിലവിലുണ്ട്‌.
മൂത്തേടത്തു കാട്ടുമാടത്തില്‍ പല മഹാന്മാരും ജനിച്ചിട്ടുണ്ട്‌. കവിയും സാഹിത്യരസികനുമായ പൂര്‍ണസരസ്വതിയാണ്‌ അവരില്‍ പ്രമുഖന്‍. എ.ഡി. 8-ാം ശതകത്തില്‍ പ്രസിദ്ധനായ ഒരു ഭിഷഗ്വരനും ഈ മനയില്‍ ജീവിച്ചിരുന്നതായി രേഖകളുണ്ട്‌. നാരായണന്‍ (സു. 8-ാം ശ.), നീലകണ്‌ഠന്‍, അഗ്നിശര്‍മന്‍ (9-ാം ശ.), കുമാരന്‍ (1879-1949) എന്നീ പ്രസിദ്ധ മന്ത്രവാദികള്‍ ഈ മനയിലെ സന്തതികളാണ്‌.
