This site is not complete. The work to converting the volumes of സര്‍വ്വവിജ്ഞാനകോശം is on progress. Please bear with us
Please contact webmastersiep@yahoo.com for any queries regarding this website.
Reading Problems? see Enabling Malayalam
കസ്വീദ
സര്‍വ്വവിജ്ഞാനകോശം സംരംഭത്തില്‍ നിന്ന്
കസ്വീദ
അറബി, പേര്‍ഷ്യന്‍, ഉര്‍ദു, ടര്‍ക്കിഷ്‌ ഭാഷകളിലെ ഒരു കവിതാരൂപം. കസ്വീദ സാധാരണയായി 25 വരിയില്‍ കുറയാനോ 100ല്‍ കവിയാനോ പാടില്ല. കവി തന്റെ പ്രമത്തെയും കാമുകിയെയും വര്‍ണിച്ചുകൊണ്ട്‌ കസ്വീദ ആരംഭിക്കുന്നു; ചിലപ്പോള്‍ കാമുകിയുടെ പഴയ വാസസ്ഥലം വര്‍ണിച്ച്‌ കണ്ണുനീര്‍ പൊഴിക്കുന്നു; അവളുടെ സൗന്ദര്യത്തെയും തന്നെ ക്ഷീണിപ്പിച്ച യാത്രയെയും സവാരിക്കുതിരയെയും വര്‍ണിക്കുന്നു. തുടര്‍ന്ന്‌ രക്ഷക സ്‌തുതി, ശത്രുഭര്‍ത്‌സനം തുടങ്ങിയ പ്രധാന വിഷയങ്ങളിലേക്കു നീങ്ങുന്നു. എത്ര നീണ്ടതായാലും കസ്വീദ ഒരേ പ്രാസത്തിലും വൃത്തത്തിലുമായിരിക്കും എഴുതപ്പെട്ടിരിക്കുക. ഈ ലക്ഷണങ്ങളെല്ലാം ഒരു മാതൃകാ കസ്വീദയ്‌ക്ക്‌ കല്‌പിച്ചിട്ടുണ്ടെങ്കിലും ആധുനിക കവികള്‍ എല്ലാ നിബന്ധനകളും അതിലംഘിച്ച്‌ കസ്വീദ രചിക്കാറുണ്ട്‌.
പേര്‍ഷ്യന്‍ ഭാഷയില്‍ കസ്വീദ ഖണ്ഡ
