This site is not complete. The work to converting the volumes of സര്‍വ്വവിജ്ഞാനകോശം is on progress. Please bear with us
Please contact webmastersiep@yahoo.com for any queries regarding this website.
Reading Problems? see Enabling Malayalam
ഓർഗാനൊ ആർസെനിക്‌ യൗഗികങ്ങള്‍
സര്‍വ്വവിജ്ഞാനകോശം സംരംഭത്തില്‍ നിന്ന്
ഓര്‍ഗാനൊ ആര്‍സെനിക്‌ യൗഗികങ്ങള്‍
Organo arsenic Compounds
ആര്‍സെനിക്‌ എന്ന മൂലകത്തിന്റെ അണുവും കാര്‍ബണ്‍ അണുവും തമ്മില്‍ സഹസംയോജക (covalent) ബന്ധത്തിലേര്‍പ്പെട്ടു ലഭ്യമാകുന്ന ഒരിനം ഓര്‍ഗാനികയൗഗികങ്ങള്‍. ഇവയുടെ സംഖ്യ ഓര്‍ഗാനൊ ഫോസ്‌ഫറസ്‌ യൗഗികങ്ങളെ അപേക്ഷിച്ചു കുറവാണെങ്കിലും ഓര്‍ഗാനൊ മെറ്റാലിക്‌ യൗഗികങ്ങളുടേതിനെക്കാള്‍ കൂടുതലാണ്‌. എല്ലാ ഓര്‍ഗാനൊ ആര്‍സെനിക്‌ യൗഗികങ്ങള്‍ക്കും ശരീരത്തില്‍ പ്രവര്‍ത്തിക്കുവാന്‍ കഴിവുണ്ട്‌. സസ്‌തന ജീവികളില്‍ ഇവയുടെ വിഷാലുത്വം (toxicity) കൂടുതലാകയാല്‍ ഈ ഇനത്തില്‍പ്പെട്ട അനേകം പദാര്‍ഥങ്ങള്‍ രാസായനികയുദ്ധങ്ങളില്‍ (chemical warfare) പ്രയോഗക്ഷമങ്ങളാണ്‌. (1) ലെവിസൈറ്റ്‌ (Cl CH = CH. As Cl2), (2) ഫിനൈല്‍ ഡൈക്ലോറാര്‍സീന്‍ (C2H5 As Cl2), (3) എഥില്‍ ഡൈക്ലോറാര്‍സീന്‍ (C22H5 As Cl2) എന്നിവ ചില ദൃഷ്‌ടാന്തങ്ങളാണ്‌: വിഷാലുത്വം ചുരുങ്ങിയ ഓര്‍ഗാനൊ ആര്‍സെനിക്കലുകള്‍ ചികിത്സാരംഗത്തു ഫലപ്രദമായി ഉപയോഗിക്കാവുന്നതാണ്‌. സാല്‍വര്‍സാന്‍ (Salvarsan), അറ്റോക്‌സില്‍ (atoxyl), ട്രിപാര്‍സമൈഡ്‌ (tryparsamide) എന്നിവ ഉദാഹരണങ്ങള്‍. ആന്റിബയോട്ടിക്കുകള്‍ കണ്ടുപിടിക്കുന്നതിനുമുമ്പ്‌ ചില സാംക്രമികരോഗങ്ങള്‍ (ഉദാ. സിഫിലിസ്‌) ചികിത്സിക്കുന്നതിന്‌ ഇവ പ്രയോഗിക്കപ്പെട്ടിരുന്നു. ആര്‍സീനിയസ്‌ ഓക്‌സൈഡ്‌ (As2O3), ആര്‍സീനിയസ്‌ ക്ലോറൈഡ്‌ (AsCl2) എന്നിവ അടിസ്ഥാനവസ്‌തുക്കളായി ഉപയോഗിച്ച്‌ ആല്‍ക്കൈലേഷന്‍ മുതലായ വിധികളിലൂടെ ഓര്‍ഗാനൊ ആര്‍സെനിക്‌ യൗഗികങ്ങള്‍ നിര്‍മിക്കാവുന്നതാണ്‌.
(ഡോ. കെ.പി. ധര്‍മരാജയ്യര്‍; സ.പ.)
