This site is not complete. The work to converting the volumes of സര്‍വ്വവിജ്ഞാനകോശം is on progress. Please bear with us
Please contact webmastersiep@yahoo.com for any queries regarding this website.
Reading Problems? see Enabling Malayalam
എൽ അലമീന്‍ യുദ്ധം
സര്‍വ്വവിജ്ഞാനകോശം സംരംഭത്തില്‍ നിന്ന്
എല്‍ അലമീന്‍ യുദ്ധം
Battle of El Alamein
രണ്ടാംലോക യുദ്ധകാലത്തെ ഒരു നിര്‍ണായക സംഘട്ടനം. ഈജിപ്‌തിലെ എല്‍ അലമീന്‍ (എല്‍ അലമയന്‍; എല്‍ ആലമേന്‍ എന്നും പറയാറുണ്ട്‌) എന്ന സ്ഥലത്തുവച്ച്‌ ബ്രിട്ടീഷ്‌ ജനറലായ ബി.എല്‍. മോണ്ട്‌ ഗോമറിയുടെ നേതൃത്വത്തില്‍ സഖ്യകക്ഷിസേനയും ഫീല്‍ഡ്‌ മാര്‍ഷല്‍ എര്‍വിന്‍ റോമലിന്റെ നേതൃത്വത്തില്‍ അച്ചുതണ്ടുസേനയും തമ്മില്‍ 1942 ഒ. 23-24-നു ആരംഭിച്ച ഈ യുദ്ധം ന. 4 വരെ നീണ്ടുനിന്നു. ഈജിപ്‌തിന്റെ വടക്കന്‍ തീരത്ത്‌ അലക്‌സാണ്ട്രിയയ്‌ക്ക്‌ ഏകദേശം 112 കി.മീ. അകലെയുള്ള എല്‍ അലമീനില്‍ വച്ചു നടന്ന തന്ത്രപരമായ മുന്നേറ്റം മൂലമാണ്‌ മോണ്ട്‌ഗോമറി വിജയിയായത്‌. ആലം എല്‍ ഹല്‍ഫാ യുദ്ധത്തിലെ ജര്‍മന്‍-ഇറ്റാലിയന്‍ സൈനിക പരാജയമാണ്‌ എന്‍ അലമീന്‍ യുദ്ധ വിജയത്തിന്‌ അടിത്തറ പാകിയത്‌. ജന. മോണ്ട്‌ ഗോമറി അതുപയോഗപ്പെടുത്തി, രണ്ടാംലോകയുദ്ധത്തിലെ ഏറ്റവും നിര്‍ണായക സമരങ്ങളിലൊന്നായ എല്‍ അലമീന്‍ യുദ്ധത്തില്‍ വിജയം നേടി. ഈ യുദ്ധത്തില്‍ അച്ചുതണ്ട്‌ സേനകള്‍ക്ക്‌ വമ്പിച്ച നാശനഷ്‌ടങ്ങള്‍ സംഭവിച്ചു. ടൂണിസിലേക്കുള്ള സഖ്യസേനയുടെ വിജയകരമായ മുന്നേറ്റത്തിന്‌ പശ്ചാത്തലമൊരുക്കിയത്‌ ഈ യുദ്ധവിജയമായിരുന്നു. നോ. രണ്ടാംലോകയുദ്ധം
