This site is not complete. The work to converting the volumes of സര്‍വ്വവിജ്ഞാനകോശം is on progress. Please bear with us
Please contact webmastersiep@yahoo.com for any queries regarding this website.

Reading Problems? see Enabling Malayalam

എർഗോസ്റ്റിറോള്‍

സര്‍വ്വവിജ്ഞാനകോശം സംരംഭത്തില്‍ നിന്ന്

എര്‍ഗോസ്റ്റിറോള്‍

Ergosterol

ഫംഗസുകളിലും യീസ്റ്റിലും ഉപസ്ഥിതമായ പ്രധാനപ്പെട്ട ഒരു സ്റ്റിറോള്‍. ഇത്‌ മൈക്കൊസ്റ്റിറോള്‍-വിഭാഗത്തിൽപ്പെടുന്നു. (മൈക്കൊ=കവകം). എർഗട്‌ എന്ന കവകത്തിൽനിന്ന്‌ ആദ്യമായി വേർതിരിക്കപ്പെട്ടതുമൂലമാണ്‌ ഇതിന്‌ എർഗോസ്റ്റിറോള്‍ എന്ന പേരുണ്ടായത്‌. തന്മാത്രാഫോർമുല, C28, H43, OH. യീസ്റ്റിന്റെ ചില അരിപ്പു(strain)കളിൽനിന്നാണ്‌ ഈ യൗഗികം വന്‍തോതിൽ ഉത്‌പാദിപ്പിക്കപ്പെടുന്നത്‌. വെള്ളത്തിൽ അലേയവും ഓർഗാനിക്‌ ലായകങ്ങളിൽ ലേയവുമായ വെളുത്ത ക്രിസ്റ്റലീയപദാർഥമാണ്‌ ഇത്‌.

ആൽക്കഹോള്‍, ബെന്‍സീന്‍, ഈഥർ മുതലായ ഏതെങ്കിലുമൊരു ഓർഗാനിക്‌ ലായകത്തിൽ അലിയിച്ച എർഗോസ്റ്റിറോളിൽ അള്‍ട്രാവയലറ്റ്‌ രശ്‌മികള്‍കൊണ്ടു കിരണനം(irradiation) ചെയ്‌താൽ ലൂമിസ്റ്റിറോള്‍, ടാക്കിസ്റ്റിറോള്‍, കാൽസിഫെറോള്‍ മുതലായ പല യൗഗികങ്ങളും ലഭ്യമാകുന്നതാണ്‌. എർഗോസ്റ്റിറോളിന്റെ തന്മാത്രാസംവിധാനത്തിൽ വരുന്ന വൈവിധ്യംമൂലമാണ്‌ അപ്രകാരം സംഭവിക്കുന്നത്‌.

ഇവയിൽ കാൽസിഫെറോള്‍ എന്നതു വിറ്റാമിന്‍ ഉ2 ആണ്‌. കിരണനം നിയന്ത്രിതപരിതഃസ്ഥിതിയിൽ നടത്തിയാൽ വിറ്റാമിന്റെ ലഭ്യത അധികമാക്കാം (>50 ശ.മാ.). ഈ തത്ത്വമുപയോഗിച്ച്‌ വിററാമിന്‍ D-2 വന്‍തോതിൽ നിർമിക്കുന്നതിന്‌ എർഗോസ്റ്റിറോള്‍ പ്രയോജനപ്പെടുത്തുന്നു. നോ. വിറ്റാമിന്‍

താളിന്റെ അനുബന്ധങ്ങള്‍
സ്വകാര്യതാളുകള്‍