This site is not complete. The work to converting the volumes of സര്‍വ്വവിജ്ഞാനകോശം is on progress. Please bear with us
Please contact webmastersiep@yahoo.com for any queries regarding this website.
Reading Problems? see Enabling Malayalam
എന്‍ലിൽ
സര്‍വ്വവിജ്ഞാനകോശം സംരംഭത്തില്‍ നിന്ന്
എന്‍ലില്‍
Enlil
സുമേറിയന്‍ പുരാണങ്ങളിലെ വായുദേവന്‍. "സ്വര്‍ഗത്തിന്റെയും ഭൂമിയുടെയും രാജാവ്‌'. "ദേശങ്ങളുടെ രാജാവ്‌', "ദേവതകളുടെ പിതാവ്‌' എന്നിങ്ങനെ ഈ ദേവതയെക്കുറിച്ച്‌ പല സങ്കല്‌പങ്ങളും നിലവിലുണ്ട്‌. പര്‍വതത്തില്‍ വിശ്രമിക്കുന്നു എന്ന വിശ്വാസത്തില്‍ നിന്ന് ഇദ്ദേഹത്തിന്‌ മഹാപര്‍വതന്‍ എന്നും ഒരു പേരുണ്ടായിട്ടുണ്ട്‌. നിപ്പൂരിലെ എ-കൂര്‍ എന്ന പ്രസിദ്ധക്ഷേത്രമാണ്‌ ഈ ദേവതയുടെ ആസ്ഥാനം.
വായുദേവത എന്നതിനു പുറമേ മഴയുടെ ദേവതയായും എന്‍ലില്‍ ഗണിക്കപ്പെട്ടിരുന്നു. എങ്കിലും ഒരു പ്രമുഖ ജലദേവത എന്ന സര്‍വാരാധ്യത ലഭിച്ചിട്ടില്ല. എന്‍ലില്‍ നിപ്പൂരില്‍ യുദ്ധത്തിന്റെ ദേവതയായിരുന്നെന്നും പരാമര്‍ശങ്ങളുണ്ട്‌. തന്റെ ശത്രുക്കളെ അകപ്പെടുത്തിയിട്ടുള്ള ഒരു വല വഹിച്ചുകൊണ്ട്‌ നില്‍ക്കുന്ന രീതിയിലാണ്‌ ഈ ദേവത ചിത്രീകരിക്കപ്പെട്ടിട്ടുള്ളത്‌. ഗ്രീക്കുദേവനായ സിയൂസിനെപ്പോലെ ഇദ്ദേഹവും പ്രകൃതിശക്തികളുടെയും മനുഷ്യഭാഗധേയങ്ങളുടെയും നിയന്താവായിട്ടാണ്‌ പ്രകീര്‍ത്തിക്കപ്പെട്ടിട്ടുള്ളത്‌. മനുഷ്യവംശം നശിപ്പിക്കുന്നതിനായി ഇദ്ദേഹം ഒരു പ്രളയം സൃഷ്‌ടിച്ചുവെന്നൊരു കഥയും പ്രചാരത്തിലുണ്ട്‌.
എന്‍ലിന്റെ പത്‌നിയായ നിന്‍-ലില്‍ ബാബിലോണിയക്കാരുടെയും സുമേറിയക്കാരുടെയും ദേവതകളില്‍ പ്രമുഖസ്ഥാനം വഹിക്കുന്നു.
