This site is not complete. The work to converting the volumes of സര്‍വ്വവിജ്ഞാനകോശം is on progress. Please bear with us
Please contact webmastersiep@yahoo.com for any queries regarding this website.

Reading Problems? see Enabling Malayalam

ഊർമിള

സര്‍വ്വവിജ്ഞാനകോശം സംരംഭത്തില്‍ നിന്ന്

ഊർമിള

1. ഒരു പുരാണ കഥാപാത്രം. വിദേഹരാജാവായ ജനകന്റെ പുത്രിയും സീതയുടെ സഹോദരിയും ലക്ഷ്‌മണന്റെ പത്‌നിയുമാണ്‌ ഊർമിള. വനവാസകാലത്ത്‌ സീതയെപ്പോലെ ഊർമിള സ്വഭർത്താവിനെ അനുഗമിച്ചിരുന്നില്ല. ലക്ഷ്‌മണന്‌ ഊർമിളയിൽ ഉണ്ടായ പുത്രന്മാരാണ്‌ തക്ഷകനും ചന്ദ്രകേതുവും. ലക്ഷ്‌മണന്റെ ദേഹവിയോഗത്തിനു ശേഷം ഊർമിള ഉടന്തടിചാടി സതീത്വംവരിച്ചുവെന്ന്‌ ഉത്തരരാമായണത്തിൽ കാണുന്നു. നോ. ലക്ഷ്‌മണന്‍

2. ഊർമിള എന്ന ഒരു ഗന്ധർവസ്‌ത്രീയെക്കുറിച്ച്‌ വാല്‌മീകിരാമായണം പരാമർശിക്കുന്നുണ്ട്‌ (ബാലകാണ്ഡം 33-ാം സർഗം). ഇവളുടെ പുത്രിയായ സോമദചുളി എന്ന മുനിയെ ശുശ്രൂഷിച്ചതായും ഒടുവിൽ അദ്ദേഹത്തെ വിവാഹം കഴിച്ചതായും അതിൽ വിവരിച്ചിരിക്കുന്നു.

3. ഹരിവംശത്തിൽ ഊർമിള എന്ന പേരിലുള്ള ഒരു നദിയെക്കുറിച്ച്‌ സൂചിപ്പിക്കുന്നു.

"http://web-edition.sarvavijnanakosam.gov.in/index.php?title=%E0%B4%8A%E0%B5%BC%E0%B4%AE%E0%B4%BF%E0%B4%B3" എന്ന താളില്‍നിന്നു ശേഖരിച്ചത്
താളിന്റെ അനുബന്ധങ്ങള്‍
സ്വകാര്യതാളുകള്‍