This site is not complete. The work to converting the volumes of സര്‍വ്വവിജ്ഞാനകോശം is on progress. Please bear with us
Please contact webmastersiep@yahoo.com for any queries regarding this website.
Reading Problems? see Enabling Malayalam
ഉരുക്ക്
സര്‍വ്വവിജ്ഞാനകോശം സംരംഭത്തില്‍ നിന്ന്
ഉരുക്ക്
ചുരുങ്ങിയ അളവിൽ കാർബണ്‍ അടങ്ങിയിട്ടുള്ള ഇരുമ്പ്‌. കാർബണിന്റെ അളവിൽ അല്‌പമായ മാറ്റംപോലും ഉരുക്കി(steel)ന്റെ ഗുണധർമങ്ങളിൽ വലിയ വ്യത്യാസം വരുത്തിത്തീർക്കുന്നു. തണുപ്പിക്കുന്ന പ്രക്രിയയും ഉരുക്കിന്റെ ഗുണധർമങ്ങളെ സാരമായി ബാധിക്കാറുണ്ട്‌. പെട്ടെന്നു തണുപ്പിച്ചുണ്ടാക്കുന്ന ഇനത്തിനു കാഠിന്യവും (hardness) ഭൈംഗുരത്വവും (brittleness)ഉണ്ടാകുന്നു; മന്ദമായി തണുപ്പിച്ചുത്‌പാദിപ്പിക്കുന്ന ഇനത്തിനു മൃദുത്വവും(softness)തൈന്യതയും (ductility) ഉണ്ടാകുന്നു. ഈ രണ്ടു ചരമസീമകള്‍ക്കുമിടയിലുള്ളയിനം ഉരുക്കുകളെ ശരിയായ "മയപ്പെടുത്തൽ' (tempering) കൊണ്ടു ലഭ്യമാക്കാവുന്നതാണ്‌. മാങ്‌ഗനീസ്‌, ക്രാമിയം, ടങ്‌സ്റ്റണ്‍, നിക്കൽ മുതലായ ലോഹങ്ങള്‍ പാകംപോലെ ഇരുമ്പിൽ യോജിപ്പിച്ച്‌ പ്രത്യേകാവശ്യങ്ങള്‍ക്കുള്ളതരം ഉരുക്കുകളും നിർമിക്കാം. ഉദാ. ഏകദേശം 16 ശതമാനം ക്രാമിയം ചേർത്തുണ്ടാക്കുന്നതാണ്‌ ഒരുതരം സ്റ്റെയിന്‍ലസ്‌ സ്റ്റീൽ; 12 ശതമാനം ക്രാമിയവും അല്‌പശതമാനം കാർബണും ചേർത്തുണ്ടാക്കുന്നതാണ്‌ മറ്റൊരുതരം. സ്റ്റെയിന്‍ലസ്‌ സ്റ്റീൽ നിർമാണത്തിൽ മറ്റു വികസിതരാഷ്‌ട്രങ്ങളെപ്പോലെ ഇന്ത്യയും പുരോഗമിച്ചുവരുന്നുണ്ട്‌. നോ. ഇരുമ്പും ഉരുക്കും
