This site is not complete. The work to converting the volumes of സര്‍വ്വവിജ്ഞാനകോശം is on progress. Please bear with us
Please contact webmastersiep@yahoo.com for any queries regarding this website.
Reading Problems? see Enabling Malayalam
ഉംറ
സര്‍വ്വവിജ്ഞാനകോശം സംരംഭത്തില്‍ നിന്ന്
ഉംറ
Umra
ഇസ്‌ലാമിലെ ഒരു ആരാധനാകര്‍മം. സന്ദര്‍ശനം എന്നാണ്‌ "ഉംറ' എന്ന വാക്കിന്റെ ഭാഷാര്‍ഥം. സൗദി അറേബ്യയില്‍ മക്കയിലെ കഅ്‌ബയിലാണ്‌ ഉംറ നിര്‍വഹിക്കുന്നത്‌. വര്‍ഷത്തിലൊരിക്കല്‍ നടക്കുന്ന ഇസ്‌ലാമിലെ നിര്‍ബന്ധ കര്‍മമാണ്‌ ഹജ്ജ്‌. ഹജ്ജിന്‌ നിശ്ചിത സമയം നിശ്ചയിച്ചിട്ടുണ്ട്‌. എന്നാല്‍ ഉംറയ്‌ക്ക്‌ നിശ്ചിതനാളും സമയവും നിശ്ചയിച്ചിട്ടില്ല. ഹജ്ജിനോടൊപ്പമോ ഹജ്ജ്‌ ചെയ്‌ത ഉടനെയോ ഹജ്ജില്ലാത്തകാലത്തോ ഉംറ നിര്‍വഹിക്കാവുന്നതാണ്‌. ഇസ്‌ലാമിക പ്രമാണമനുസരിച്ച്‌ ഹജ്ജ്‌ എന്ന പോലെ ജീവിതത്തിലൊരിക്കല്‍ നിര്‍ബന്ധമായി നിര്‍വഹിക്കേണ്ട ഒരു പുണ്യകര്‍മമാണ്‌ ഉംറ.
നാലു ഘടകങ്ങളടങ്ങിയതാണ്‌ ഉംറ: 1. "മീക്കാത്ത്‌' (നിര്‍ണിത സ്ഥലം)-ല്‍ നിന്ന് ഇഹ്‌റാം കെട്ടല്‍ അഥവാ ഉംറയെ കരുതല്‍, 2. തവാഫ്‌-കഅ്‌ബയെ ഏഴുപ്രാവശ്യം ചുറ്റുക അഥവാ പ്രദക്ഷിണം ചെയ്യുക, 3. സഫാ-മര്‍വാ കുന്നുകള്‍ക്കിടയില്‍ "സഅ്‌യ്‌' ചെയ്യുക അഥവാ നടക്കുക, 4. തലമുടി നീക്കുക. ഉംറയ്‌ക്കായി തുന്നിച്ചേര്‍ക്കാത്ത രണ്ടുവസ്‌ത്രങ്ങളാണ്‌ പുരുഷന്മാര്‍ ധരിക്കേണ്ടത്‌, സ്‌ത്രീകള്‍ മുഖവും മുന്‍ കൈയും ഒഴികേയുള്ള ഭാഗങ്ങള്‍ പൂര്‍ണമായി മറയുന്ന വേഷം ധരിക്കണം; ഇഹ്‌റാം ചെയ്യുന്നത്‌ "മീക്കാത്തി'ല്‍ വച്ചുതന്നെയാവണം; തവാഫ്‌ തുടങ്ങുന്നത്‌ "ഹജറുല്‍ അസ്‌വദി'ല്‍നിന്നാകണം എന്നിങ്ങനെ ഉംറ ചെയ്യുന്നതിന്‌ ഏതാനും വ്യവസ്ഥകളും നിശ്ചയിച്ചിട്ടുണ്ട്‌.
(പ്രാഫ. സയ്യദ്‌ മൊഹിയദ്ദീന്‍ ഷാ; സ.പ.)
