This site is not complete. The work to converting the volumes of സര്‍വ്വവിജ്ഞാനകോശം is on progress. Please bear with us
Please contact webmastersiep@yahoo.com for any queries regarding this website.
Reading Problems? see Enabling Malayalam
ഈറോഡ്‌
സര്‍വ്വവിജ്ഞാനകോശം സംരംഭത്തില്‍ നിന്ന്
ഈറോഡ്‌
തമിഴ്‌നാട്‌ സംസ്ഥാനത്തിൽ കോയമ്പത്തൂർ ജില്ലയിൽപ്പെട്ട ഒരു നഗരം. ചെന്നൈയിൽനിന്ന്‌ 389 കി.മീ. ദൂരെ കാവേരി നദിയുടെ വലത്തേക്കരയിൽ സ്ഥിതിചെയ്യുന്നു. ദക്ഷിണ റയിൽവേയിലെ ഒരു പ്രധാന ജങ്‌ഷനാണ്‌ ഈറോഡ്‌; ചെന്നൈ-തിരുവനന്തപുരം, കോയമ്പത്തൂർ-തിരുച്ചിറപ്പള്ളി ലൈനുകള്‍ ഇവിടെ സന്ധിക്കുന്നു. സേലം മുതൽ കന്യാകുമാരി വരെയുള്ള 47-ാം നമ്പർ നാഷണൽ ഹൈവേ ഈറോഡുവഴിയാണ്‌ കടന്നുപോകുന്നത്‌. റെയിൽവേ സംബന്ധിച്ച വിവിധ പ്രവർത്തനങ്ങള്‍ ഈറോഡിൽ കേന്ദ്രീകരിച്ചിരിക്കുന്നു. തമിഴ്‌ സംസ്‌കാരത്തിന്റെ പ്രാചീനകേന്ദ്രങ്ങളിൽ ഒന്നായി വാഴ്‌ത്തപ്പെടുന്ന ഈറോഡ്‌ മറാഠികള്‍, മൈസൂർ സുൽത്താന്മാർ, ബ്രിട്ടീഷുകാർ എന്നിവരുടെ ആധിപത്യത്തിന്‍കീഴിൽ അഭിവൃദ്ധി നേടി. ഹൈദരലിയുടെ കാലത്താണ്‌ ഈ നഗരം ഗണ്യമായ വികാസം പ്രാപിച്ചത്‌; 1732-ൽ ടിപ്പുസുൽത്താന്‍ ബ്രിട്ടീഷുകാരുമായി സന്ധിയിലേർപ്പെട്ടതിനെത്തുടർന്ന്‌ പൂർവാധികം അഭിവൃദ്ധിപ്പെട്ടു. സ്വാതന്ത്യ്രപ്രാപ്‌തിക്കുശേഷം വ്യാവസായികമായി പുരോഗമിച്ചു വരുന്നു; പരുത്തിത്തുണി, കളിമണ്‍ സാധനങ്ങള്‍, കടലാസ്‌ എന്നിവയുടെ നിർമാണമാണ്‌ മുന്നിട്ടു നില്‌ക്കുന്നത്‌. ഈ റോഡ്‌ ആസ്ഥാനമായി 8,209 ച.കി.മീ വിസ്‌തൃതിയിലുള്ള ഒരു ജില്ലയും തമിഴ്‌നാട്‌ സംസ്ഥാനത്തിലുണ്ട്‌. ജനസംഖ്യ: 1,259,608 (2011).
