This site is not complete. The work to converting the volumes of സര്‍വ്വവിജ്ഞാനകോശം is on progress. Please bear with us
Please contact webmastersiep@yahoo.com for any queries regarding this website.
Reading Problems? see Enabling Malayalam
ഇസെസ്‌ യുദ്ധം
സര്‍വ്വവിജ്ഞാനകോശം സംരംഭത്തില്‍ നിന്ന്
ഇസെസ്‌ യുദ്ധം
Issus War
മഹാനായ അലക്‌സാണ്ടറും പേര്‍ഷ്യന്‍ രാജാവായ ദാരിയൂസ്‌ കകക-ഉം തമ്മില്‍ സിലീഷ്യയിലെ ഒരു പ്രാചീന നഗരമായ ഇസെസില്‍വച്ച്‌ ബി.സി. 333 ഒക്‌ടോബറില്‍ നടന്ന നിര്‍ണായകമായ യുദ്ധം. പര്‍വതനിബിഡമായ ഈ സ്ഥലത്ത്‌ അലക്‌സാണ്ടറും സൈന്യവും എത്തിയപ്പോള്‍ അവരെ എതിരിടാന്‍ പേര്‍ഷ്യന്‍ സൈന്യവുമായി ദാരിയൂസ്‌ കകക തൊട്ടുപിന്നിലുണ്ടായിരുന്നു. തുടര്‍ന്നുനടന്ന ഘോരയുദ്ധത്തില്‍ അലക്‌സാണ്ടര്‍ അനായാസമായി വിജയിച്ചു. ഇതില്‍ 1,10,000 പേര്‍ഷ്യക്കാരും 450 മാസിഡോണിയരും വധിക്കപ്പെട്ടതായി ചരിത്രകാരന്മാര്‍ രേഖപ്പെടുത്തിയിട്ടുണ്ട്‌. പരാജിതനായ ദാരിയൂസ്‌ ബാബിലോണിയയിലേക്കു പലായനം ചെയ്‌തു. അലക്‌സാണ്ടറുടെ മറ്റ്‌ ആക്രമണങ്ങള്‍ക്കും വിജയങ്ങള്‍ക്കും ഇസെസിലുണ്ടായ നേട്ടം പ്രചോദകമായി ഭവിച്ചു. നോ. ഗ്രനിക്കസ്‌ യുദ്ധം
