This site is not complete. The work to converting the volumes of സര്‍വ്വവിജ്ഞാനകോശം is on progress. Please bear with us
Please contact webmastersiep@yahoo.com for any queries regarding this website.
Reading Problems? see Enabling Malayalam
ഇന്ദിരാഗോസ്വാമി (1942 - 2011)
സര്‍വ്വവിജ്ഞാനകോശം സംരംഭത്തില്‍ നിന്ന്
Mksol (സംവാദം | സംഭാവനകള്) (→ഇന്ദിരാഗോസ്വാമി (1942 - 2011)) |
Mksol (സംവാദം | സംഭാവനകള്) (→ഇന്ദിരാഗോസ്വാമി (1942 - 2011)) |
||
| വരി 1: | വരി 1: | ||
== ഇന്ദിരാഗോസ്വാമി (1942 - 2011) == | == ഇന്ദിരാഗോസ്വാമി (1942 - 2011) == | ||
| - | [[ചിത്രം:Vol4p108_Indira Goswamy.jpg|thumb|]] | + | [[ചിത്രം:Vol4p108_Indira Goswamy.jpg|thumb|ഇന്ദിരാഗോസ്വാമി]] |
ജ്ഞാനപീഠ പുരസ്‌കാരം ലഭിച്ച അസമിയ എഴുത്തുകാരി. ചെറുകഥ, കവിത, നോവൽ, ജീവചരിത്രം തുടങ്ങിയ വ്യത്യസ്‌ത സാഹിത്യമേഖലകളിൽ തൂലിക ചലിപ്പിച്ച ഇന്ദിര അസമിൽ മാമാണി എന്ന പേരിലാണ്‌ അറിയപ്പെട്ടത്‌. 1942 ന. 14-ന്‌ ഗുവാഹത്തിയിൽ ഒരു ബ്രാഹ്മണകുടുംബത്തിലായിരുന്നു ജനനം. ഇന്ദിര ബാല്യത്തിൽ കീർത്തിനാഥ്‌ ഹസാരികയുടെ സാഹിത്യ ആനുകാലികത്തിൽ ചെറുകഥകള്‍ പ്രസിദ്ധീകരിച്ചിരുന്നു. ഗുവാഹത്തി കോട്ടണ്‍കോളജിൽനിന്നും അസമിയ സാഹിത്യത്തിൽ പഠനം പൂർത്തിയാക്കിയ ഇവർ ഗുവാഹത്തി സർവകലാശാലയിൽനിന്നും പിഎച്ച്‌.ഡി.(1973) നേടി. | ജ്ഞാനപീഠ പുരസ്‌കാരം ലഭിച്ച അസമിയ എഴുത്തുകാരി. ചെറുകഥ, കവിത, നോവൽ, ജീവചരിത്രം തുടങ്ങിയ വ്യത്യസ്‌ത സാഹിത്യമേഖലകളിൽ തൂലിക ചലിപ്പിച്ച ഇന്ദിര അസമിൽ മാമാണി എന്ന പേരിലാണ്‌ അറിയപ്പെട്ടത്‌. 1942 ന. 14-ന്‌ ഗുവാഹത്തിയിൽ ഒരു ബ്രാഹ്മണകുടുംബത്തിലായിരുന്നു ജനനം. ഇന്ദിര ബാല്യത്തിൽ കീർത്തിനാഥ്‌ ഹസാരികയുടെ സാഹിത്യ ആനുകാലികത്തിൽ ചെറുകഥകള്‍ പ്രസിദ്ധീകരിച്ചിരുന്നു. ഗുവാഹത്തി കോട്ടണ്‍കോളജിൽനിന്നും അസമിയ സാഹിത്യത്തിൽ പഠനം പൂർത്തിയാക്കിയ ഇവർ ഗുവാഹത്തി സർവകലാശാലയിൽനിന്നും പിഎച്ച്‌.ഡി.(1973) നേടി. | ||
08:21, 17 ജൂണ്‍ 2014-നു നിലവിലുണ്ടായിരുന്ന രൂപം
ഇന്ദിരാഗോസ്വാമി (1942 - 2011)
ജ്ഞാനപീഠ പുരസ്‌കാരം ലഭിച്ച അസമിയ എഴുത്തുകാരി. ചെറുകഥ, കവിത, നോവൽ, ജീവചരിത്രം തുടങ്ങിയ വ്യത്യസ്‌ത സാഹിത്യമേഖലകളിൽ തൂലിക ചലിപ്പിച്ച ഇന്ദിര അസമിൽ മാമാണി എന്ന പേരിലാണ്‌ അറിയപ്പെട്ടത്‌. 1942 ന. 14-ന്‌ ഗുവാഹത്തിയിൽ ഒരു ബ്രാഹ്മണകുടുംബത്തിലായിരുന്നു ജനനം. ഇന്ദിര ബാല്യത്തിൽ കീർത്തിനാഥ്‌ ഹസാരികയുടെ സാഹിത്യ ആനുകാലികത്തിൽ ചെറുകഥകള്‍ പ്രസിദ്ധീകരിച്ചിരുന്നു. ഗുവാഹത്തി കോട്ടണ്‍കോളജിൽനിന്നും അസമിയ സാഹിത്യത്തിൽ പഠനം പൂർത്തിയാക്കിയ ഇവർ ഗുവാഹത്തി സർവകലാശാലയിൽനിന്നും പിഎച്ച്‌.ഡി.(1973) നേടി.
ദക്ഷിണേന്ത്യക്കാരനായ മാധവന്‍ റെയ്‌സം അയ്യങ്കാരുമായുള്ള ഇന്ദിരയുടെ പ്രമവിവാഹം നടക്കുന്നത്‌ 1963-ലാണ്‌. ഭർത്താവിന്റെ അകാലമരണത്തെത്തുടർന്ന്‌ (1965) എഴുത്തിൽ അഭയം തേടിയ ഇന്ദിര അക്കാലത്ത്‌ രചിച്ച പ്രധാന നോവലായ ദ്‌ ബ്ലൂ നെക്‌ഡ്‌ ബ്രജ വിഷയമാക്കിയത്‌ വൃന്ദാവനിലെ വിധവകളുടെ ദയനീയാവസ്ഥയായിരുന്നു. വിധവയായപ്പോള്‍ ഇന്ദിര കടന്നുപോയ സാഹചര്യങ്ങളുടെ പുനർചിത്രണമാണ്‌ ഈ കൃതി. നോവലിസ്റ്റിന്റെ ആത്മകഥാംശങ്ങള്‍ സൗദാമിനി എന്ന കഥാപാത്രത്തിൽ പ്രതിഫലിക്കുന്നുണ്ട്‌. ആധുനിക ഭാരതീയ സാഹിത്യത്തിലെ വിശിഷ്‌ട സാഹിത്യകൃതിയായി ഇത്‌ പരിഗണിക്കപ്പെടുന്നു.
ഇന്ദിരാഗാന്ധിയുടെ കൊലപാതകത്തെത്തുടർന്ന്‌ 1984-ൽ നടന്ന സിഖ്‌ കലാപം പശ്ചാത്തലമാക്കിയ തേജ്‌ അരു ധൂലിരേ ധൂസരിതപൃഷ്‌ഠ (pages stained with blood), അസമിലെ മതസ്ഥാപനങ്ങളിൽ കഴിയുന്ന ബ്രാഹ്മണവിധവകളുടെ ദുരിതങ്ങള്‍ പ്രതിപാദിക്കുന്ന ദതൽ ഹതിർ ഉനോ ഖോവ ഹൗഡ (The moth Eaten howdah of the tusker), സ്വന്തം ജീവിതത്തെ അടയാളപ്പെടുത്തുന്ന ആത്മകഥയായ ആധാലിവാ ദസ്‌താ വേജ്‌ (The Unfinished Autobiography), ഒരു ദലിത്‌ യുവാവിന്റെ അസ്വാസ്ഥ്യജനകമായ അനുഭവങ്ങള്‍ പ്രമേയമാക്കിയ മാമോരേ ധാരാ താരോവാള്‍ (The Rusted Sword) എന്നിവയാണ്‌ പ്രധാന കൃതികള്‍. മാസ്റ്റർപീസസ്‌ ഒഫ്‌ ഇന്ത്യന്‍ ലിറ്റ്‌റെച്ചറിൽ സമാഹരിക്കപ്പെട്ടിട്ടുള്ള ദതൽ ഹതിർ ഉനോ ഖോവ ഹൗഡ എന്ന നോവൽ അദജ്യ എന്ന പേരിൽ ചലച്ചിത്രമായിട്ടുണ്ട്‌. കാമാഖ്യ ക്ഷേത്രത്തിലെ മൃഗബലിയെ വിമർശിച്ചുകൊണ്ടുള്ള ചിന്നമസ്‌തർ മനുഹ്‌തോ (The man from chinna mastha) മികച്ച നോവലാണ്‌. അസമിന്റെ ശക്തമായ ശബ്‌ദങ്ങളിലൊന്നായിരുന്നു ഇന്ദിരയുടേത്‌. ഉള്‍ഫാ തീവ്രവാദികളും കേന്ദ്രഗവണ്‍മെന്റും തമ്മിലുള്ള ഒത്തുതീർപ്പ്‌ ചർച്ചയ്‌ക്കു മധ്യസ്ഥത വഹിച്ചത്‌ ഇന്ദിരയാണ്‌.
അസമിസ്‌ സാഹിത്യത്തിനു നല്‌കിയ സമഗ്ര സംഭാവനയ്‌ക്ക്‌ ഇന്ദിരയ്‌ക്കു ജ്ഞാനപീഠപുരസ്‌കാരം ലഭിച്ചു. മറ്റു നിരവധി പുരസ്‌കാരങ്ങളും ഇന്ദിരയെ തേടിയെത്തിയിട്ടുണ്ട്‌. സാഹിത്യ അക്കാദമി അവാർഡ്‌ (1982), അസം സാഹിത്യസഭ അവാർഡ്‌ (1988), ദി ഇന്റർനാഷണൽ തുളസി അവാർഡ്‌ തുടങ്ങിയവ അവയിൽ ചിലതാണ്‌. പ്രിന്‍സിപ്പൽ പ്രിന്‍സ്‌ ക്ലോസ്‌ അവാർഡ്‌ ലഭിച്ച ആദ്യത്തെ ഇന്ത്യക്കാരിയാണ്‌ ഇന്ദിര (2008), ഇന്ദിരാഗോസ്വാമിയുടെ ജീവിതത്തെ അധികരിച്ച്‌ ജാഹ്നു ബറുവ "വേള്‍ഡ്‌ ഫ്രം ദ്‌ മിസ്റ്റ്‌' എന്ന പേരിൽ ഒരു ചലച്ചിത്രം നിർമിക്കുകയുണ്ടായി. ഇന്ദിരാഗോസ്വാമി 2011-ൽ അന്തരിച്ചു.
