This site is not complete. The work to converting the volumes of സര്‍വ്വവിജ്ഞാനകോശം is on progress. Please bear with us
Please contact webmastersiep@yahoo.com for any queries regarding this website.
Reading Problems? see Enabling Malayalam
ആർക്ക്‌റൈറ്റ്‌, റിച്ചഡ്‌ (1732 - 92)
സര്‍വ്വവിജ്ഞാനകോശം സംരംഭത്തില്‍ നിന്ന്
ആർക്ക്‌റൈറ്റ്‌, റിച്ചഡ്‌ (1732 - 92)
Archwrite, Richard
നൂല്‍നൂല്‌പ്‌ യന്ത്രങ്ങളുടെ ഉപജ്ഞാതാവായ ബ്രിട്ടിഷ്‌ വ്യവസായി. ലങ്കാഷയറിലെ പ്രിസ്റ്റണില്‍ 1732 ഡി. 23-ന്‌ ജനിച്ചു. ക്ഷുരകന്‍, പൊയ്‌മുടി നിര്‍മാതാവ്‌ എന്നീ നിലകളിലാണ്‌ ഇദ്ദേഹം ജീവിതം ആരംഭിച്ചത്‌. സ്വന്തമായ സാങ്കേതികമാര്‍ഗങ്ങളുപയോഗിച്ചാണ്‌ ഇദ്ദേഹം പൊയ്‌മുടി നിര്‍മിച്ചിരുന്നത്‌. 1767-ല്‍ സ്വയം ഡിസൈന്‍ചെയ്‌ത്‌ നിര്‍മിച്ച നൂല്‍നൂല്‌പുയന്ത്രത്തിന്റെ പേറ്റന്റ്‌ 1769-ല്‍ ഇദ്ദേഹത്തിന്‌ ലഭിക്കുകയുണ്ടായി; തുടര്‍ന്ന്‌ നോട്ടിംഗ്‌ഹാമില്‍ ഒരു ചെറിയ ഫാക്‌ടറിയുംഡര്‍ബിഷയറിലെ ക്രാഫോഡില്‍ ജലശക്തികൊണ്ട്‌ പ്രവര്‍ത്തിക്കുന്ന മറ്റൊരു ഫാക്‌ടറിയും ആരംഭിച്ചു. വളരെ ചുരുങ്ങിയ കാലയളവിനുള്ളില്‍ നാടിന്റെ വിവിധ ഭാഗങ്ങളിലായി ഒട്ടേറെ നെയ്‌ത്തു ശാലകള്‍ സ്ഥാപിക്കാന്‍ ഇദ്ദേഹത്തിനു കഴിഞ്ഞു. വ്യവസായങ്ങളില്‍ യന്ത്രവത്‌കരണം നടപ്പിലാക്കിയും മനുഷ്യശക്തി ബുദ്ധിപൂര്‍വം ഉപയോഗപ്പെടുത്തിയും വന്‍തോതിലുള്ള മൊത്തഉത്‌പാദനം നടത്താന്‍ ആര്‍ക്ക്‌റൈറ്റിനു കഴിഞ്ഞു. 1782 ആയപ്പോഴേക്കും ഇംഗ്ലണ്ടിലെ ഏറ്റവും വലിയ ധനികരില്‍ ഒരാളായി ആര്‍ക്ക്‌റൈറ്റ്‌ അറിയപ്പെട്ടു. തുണിവ്യവസായത്തില്‍ നിര്‍ണായകമായ പല പരിഷ്‌കാരങ്ങളും വരുത്തിയ ഇദ്ദേഹം 1792 ആഗ. 3-ന്‌ ക്രാംഫോഡില്‍ വച്ച്‌ നിര്യാതനായി.
