This site is not complete. The work to converting the volumes of സര്വ്വവിജ്ഞാനകോശം is on progress. Please bear with us
Please contact webmastersiep@yahoo.com for any queries regarding this website.
Reading Problems? see Enabling Malayalam
ആവർത്തകദശാംശം
സര്വ്വവിജ്ഞാനകോശം സംരംഭത്തില് നിന്ന്
ആവർത്തകദശാംശം
Recurring Decimal
ദശാംശബിന്ദുവിനുശേഷം അക്കങ്ങള് ആവർത്തിച്ചുവരുന്ന സംഖ്യ. പത്ത് ആധാരമാക്കി സംഖ്യകളെ രേഖപ്പെടുത്തുന്നതാണ് ദശാംശസമ്പ്രദായം. പത്തിൽ ഒരംശം, രണ്ടംശം, മൂന്നംശം എന്നിങ്ങനെ ഒന്പതുവരെയും രേഖപ്പെടുത്തുന്നത് .1, .2, .3, .4, .5, .6, .7, .8, .9 എന്നിങ്ങനെയാണ്; നൂറിൽ ഒരംശം, രണ്ടംശം... മുതലായവ .01, .02, ..., .99 എന്നിങ്ങനെയും; ആയിരത്തിൽ ഒരംശം, രണ്ടംശം, ... മുതലായവ .001, .002, ..., .999 എന്നിങ്ങനെയും. ഈ സമ്പ്രദായത്തിൽ അംശഭാഗം വേർതിരിക്കുന്ന ബിന്ദുവിനുശേഷം ഒരേ അക്കമോ അക്കങ്ങളുടെ സംയുക്തമോ ആവർത്തിച്ച് എഴുതിപ്പോകേണ്ടിവരുന്ന ചില സന്ദർഭങ്ങളുണ്ട്. 2-നെ 3 കൊണ്ട് ഹരിക്കുമ്പോള് ദശാംശബിന്ദുവിനുശേഷം 6 എന്ന അക്കം ആവർത്തിച്ചുവരുന്നു (.666....). 1-നെ 7 കൊണ്ടുഹരിച്ചാൽ ദശാംശബിന്ദുവിനുശേഷം 142857 എന്നീ അക്കങ്ങളുടെ സംയുക്തം ആവർത്തിച്ചാവർത്തിച്ചു വരുന്നു. ഇമ്മാതിരിയുള്ള ഒരു ദശാംശഭിന്നത്തെയാണ് ആവർത്തകദശാംശം എന്നു പറയുന്നത്. നോ: ഭിന്നസംഖ്യ