This site is not complete. The work to converting the volumes of സര്‍വ്വവിജ്ഞാനകോശം is on progress. Please bear with us
Please contact webmastersiep@yahoo.com for any queries regarding this website.
Reading Problems? see Enabling Malayalam
ആന്‍ഗ്ലെസൈറ്റ്
സര്‍വ്വവിജ്ഞാനകോശം സംരംഭത്തില്‍ നിന്ന്
ആന്‍ഗ്ലെസൈറ്റ്
Anglesite
കറുത്തീയ(lead)ത്തിന്റെ ഒരു ധാതു. ഫോര്‍മുല PbSO4. മിക്കപ്പോഴും ഗലീന(PbS)യുമായി ഇടചേര്‍ന്നുകാണുന്നു. സള്‍ഫൈഡ് അയിരിന്റെ (ഗലീന) ഉപരിസിര(vein)കള്‍ക്ക് ഓക്സിഡേഷന്‍ സംഭവിച്ചാണ് സല്‍ഫേറ്റ് (ആന്‍ഗ്ലെസൈറ്റ്) ആയിത്തീരുന്നത്.
വെളുപ്പോ നരച്ച ഊതനിറമോ ആയിരിക്കും ആന്‍ഗ്ലെസൈറ്റിനുള്ളത്. പരലുകള്‍ സമചതുര്‍ഭുജീയമോ (orthorhombic), സാരണീബദ്ധമോ (tabular), പ്രിസം (prism) ആകൃതിയുള്ളതോ ആയിരിക്കും; അപൂര്‍വമായി സംപുഞ്ജിത(massive)മായും കാണപ്പെടുന്നു. ശംഖാഭമായ (conchoidal) വിഭഞ്ജനം (fracture) മറ്റൊരു സവിശേഷതയാണ്. അഡമന്റൈന്‍ ദ്യുതി (adamantine lusture) ഉണ്ടായിരിക്കും. ആ. സാ. 6.38; കാഠിന്യം 2.5-3. ഇത് മെഴുകുതിരിയുടെ ചൂടില്‍ ഉരുകുന്നു. നൈട്രിക് ആസിഡില്‍ അല്പാല്പമായി ലയിക്കും.
സാധാരണയായി കുറഞ്ഞ അളവില്‍മാത്രം അവസ്ഥിതമാകുന്നു; സമ്പന്നനിക്ഷേപങ്ങള്‍ വളരെ ചുരുക്കമായേ കണ്ടെത്തയിട്ടുള്ളു. ലോകത്തിന്റെ മിക്ക ഭാഗങ്ങളിലും ഈ ധാതു കാണപ്പെടുന്നു.
