This site is not complete. The work to converting the volumes of സര്‍വ്വവിജ്ഞാനകോശം is on progress. Please bear with us
Please contact webmastersiep@yahoo.com for any queries regarding this website.
Reading Problems? see Enabling Malayalam
ആന്റിഫ്രീസുകള്‍
സര്‍വ്വവിജ്ഞാനകോശം സംരംഭത്തില്‍ നിന്ന്
Mksol (സംവാദം | സംഭാവനകള്‍)
(പുതിയ താള്‍: ==ആന്റിഫ്രീസുകള്‍== ==Antifreezes== ഒരു ദ്രവത്തിന്റെ ഉറയൽനില (freezing point) താഴ്...)
അടുത്ത വ്യത്യാസം →
03:13, 23 ഫെബ്രുവരി 2014-നു നിലവിലുണ്ടായിരുന്ന രൂപം
ആന്റിഫ്രീസുകള്‍
Antifreezes
ഒരു ദ്രവത്തിന്റെ ഉറയൽനില (freezing point) താഴ്‌ത്തുന്നതിനുവേണ്ടി അതിൽ ചേർക്കുന്ന പദാർഥങ്ങള്‍. സാമാന്യമായി അന്തർദഹന (internal combustion) എന്‍ജിനുകളിൽ ശീതളന പ്രക്രിയാവ്യൂഹങ്ങളിൽ(cooling systems) ഉപയോഗിക്കുന്ന ജലത്തിന്റെ ഹിമാങ്കനില താഴ്‌ത്തുന്നതിനുവേണ്ടി ചേർക്കുന്ന വസ്‌തുക്കളെയാണ്‌ ആന്റിഫ്രീസുകള്‍ എന്നു വ്യവഹരിക്കാറുള്ളത്‌. ഉദാഹരണമായി മോട്ടോർ കാറിന്റെ റേഡിയേറ്ററിലെ ജലത്തിൽ കലർത്തുന്ന എഥിലീന്‍ ഗ്ലൈക്കോള്‍ (CH2 OH. CH2 OH) ഒരു പ്രധാന ആന്റിഫ്രീസ്‌ ആണ്‌. എന്നാൽ ഇന്ന്‌ ജലചാലിത (hydraulic) യന്ത്രങ്ങളിൽ ഉപയോഗിക്കുന്ന ജലീയ ദ്രവങ്ങള്‍, ശീതളന ലവണജലങ്ങള്‍ (refrigeration brines) താപസ്ഥാനാന്തരണ ദ്രവങ്ങള്‍ (heat-transfer) മുതലായവയ്‌ക്കും ആന്റിഫ്രീസ്‌ മിശ്രിതങ്ങള്‍ എന്നു പേരുണ്ട്‌. ഒരു ആന്റിഫ്രീസ്‌ പദാർഥത്തിന്‌ ചില പ്രത്യേക ഗുണധർമങ്ങള്‍ ആവശ്യമാണ്‌. അത്‌ ദ്രവത്തിൽ വേണ്ടിടത്തോളം അലിഞ്ഞുചേരണം; ശീതളനവ്യൂഹയന്ത്രത്തിന്‌ വിധേയമാകേണ്ടിവരുന്ന പരമാവധി താപനില ഏതോ, അതിലും അല്‌പം കൂടുതലായിരിക്കണം ആന്റിഫ്രീസിന്റെ തിളനില; താഴ്‌ന്ന ശ്യാനത(viscosity)യും രാസപരമായി നല്ല സ്ഥിരതയും ചുരുങ്ങിയ വൈദ്യുതചാലകതയും ഉപകരണസാമഗ്രികളോട്‌ തികഞ്ഞ നിഷ്‌ക്രിയത്വവും അതിന്‌ ഉണ്ടായിരിക്കണം. ഈ ഗുണധർമങ്ങള്‍ ഏറെക്കുറെയുള്ള ഒരു ആന്റിഫ്രീസ്‌ ആണ്‌ മുന്‍പറഞ്ഞ എഥിലീന്‍ ഗ്ലൈക്കോള്‍. മിഥോക്‌സി പ്രാപനോള്‍, മീഥൈൽ ആൽക്കഹോള്‍, ഐസൊപ്രാപിൽ ആൽക്കഹോള്‍, പ്രാപിലീന്‍ ഗ്ലൈക്കോള്‍ എന്നീ രാസവസ്‌തുക്കളും ഒരു പരിധിവരെ ആന്റിഫ്രീസുകളായി ഉപയോഗിക്കപ്പെടുന്നുണ്ട്‌. ശീതളനവ്യൂഹങ്ങളുടെ നിർമാണത്തിൽ വാർപ്പിരുമ്പ്‌, ഉരുക്ക്‌, ചെമ്പ്‌, അലൂമിനിയം, പിച്ചള എന്നീ സോള്‍ഡർ സാധനങ്ങള്‍ ഉപയോഗിക്കാറുള്ളതുകൊണ്ട്‌ വ്യാവസായിക-ആന്റിഫ്രീസ്‌ മിശ്രിതങ്ങളിൽ ആന്റി-ഇറോഷന്‍ വസ്‌തുക്കള്‍ ചേർക്കാറുണ്ട്‌. ബോറേറ്റുകള്‍, ഫോസ്‌ഫേറ്റുകള്‍, നൈട്രറ്റുകള്‍, തയസോളുകള്‍ എന്നിവ അത്തരം ചില വസ്‌തുക്കള്‍ ആണ്‌. കൂട്ടത്തിൽ നുരയും പതയും ഒഴിവാക്കുന്നതിനുള്ള ആന്റിഫോം (antifoam) വസ്‌തുക്കള്‍ ചേർക്കുന്നതും പതിവാണ്‌. ഇത്തരം പദാർഥങ്ങള്‍ക്കു ചില ഉദാഹരണങ്ങളാണ്‌ സിലിക്കോണുകള്‍ (silicones), കാർബണിക ഫോസ്‌ഫേറ്റുകള്‍ എന്നിവ. അധികരിച്ച വൈദ്യുതചാലകത, അപരദനക്ഷമത മുതലായ ഗുണധർമങ്ങളുള്ളതുകൊണ്ട്‌ അകാർബണിക ലവണങ്ങള്‍ ആന്റിഫ്രീസ്‌ മിശ്രിതങ്ങളിൽ ചേർക്കാറില്ല. ഗ്യാസൊലിനിൽ വെള്ളം ഉറയുന്നത്‌ തടയാന്‍ മെഥനോളോ ഐസോപ്രാപ്പനോളോ ഉപയോഗിക്കുന്നു. അതിശൈത്യത്തിൽ ജീവിക്കേണ്ട ജീവികളിലും പ്രാണികളിലും പ്രകൃതിദത്തമായ ആന്റിഫ്രീസുകള്‍ കാണാറുണ്ട്‌. ഇത്തരം പ്രാണികളിൽ കാണപ്പെടുന്ന കൂടിയ അളവിലുള്ള ഗ്ലിസറോള്‍ ഒരു ആന്റിഫ്രീസായി വർത്തിക്കുന്നു.
