This site is not complete. The work to converting the volumes of സര്‍വ്വവിജ്ഞാനകോശം is on progress. Please bear with us
Please contact webmastersiep@yahoo.com for any queries regarding this website.
Reading Problems? see Enabling Malayalam
ആന്തരതരംഗങ്ങള്‍
സര്‍വ്വവിജ്ഞാനകോശം സംരംഭത്തില്‍ നിന്ന്
ആന്തരതരംഗങ്ങള്‍
വ്യത്യസ്തസാന്ദ്രതയിലുള്ള ജലപാളികള്‍ക്കിടയ്ക്കു രൂപംകൊള്ളുന്ന തരംഗങ്ങള്‍. ഒരേ ജലപിണ്ഡത്തിനുള്ളില്‍ത്തന്നെ ലംബദിശയില്‍ സാന്ദ്രതാവ്യത്യാസം അനുഭവപ്പെടുമ്പോഴും ആന്തരതരംഗങ്ങള്‍ ഉണ്ടാവാം നിമ്നോന്നതമായ അധസ്തലത്തിലൂടെയുള്ള ചലനം, അന്തരീക്ഷപ്രക്രിയകള്‍മൂലം ഏര്‍പ്പെടുന്ന അസ്വാസ്ഥ്യങ്ങള്‍, വേലാബലം (tidal force), സഞ്ചലനം എന്നിവയുടെ പ്രേരണയാല്‍ താപസാന്ദ്രതാവ്യത്യാസങ്ങള്‍മൂലം പാളികളായി പിരിഞ്ഞിട്ടുള്ള ഏതു ജലപിണ്ഡത്തിലും ആന്തരതരംഗങ്ങള്‍ രൂപംകൊള്ളാം. ഈ തരംഗങ്ങള്‍ അഗാധതലങ്ങളില്‍ നൂറു മീറ്ററോളം കനത്തില്‍ വ്യാപിച്ചുകാണാം; സാധാരണയായി 6 മുതല്‍ 15 വരെ മീറ്ററുകളാണ് ഇവയുടെ വ്യാപ്തി. ആഴക്കടലിലെ ജലമിശ്രണത്തിലും ജലസഞ്ചലനത്തിലും ആന്തരതരംഗങ്ങള്‍ക്കു വലുതായ പങ്കുണ്ട്.
