This site is not complete. The work to converting the volumes of സര്‍വ്വവിജ്ഞാനകോശം is on progress. Please bear with us
Please contact webmastersiep@yahoo.com for any queries regarding this website.
Reading Problems? see Enabling Malayalam
ആന്തമിയോണ്‍
സര്‍വ്വവിജ്ഞാനകോശം സംരംഭത്തില്‍ നിന്ന്
ആന്തമിയോണ്‍
Anthemion
സാധാരണ വാസ്തുശില്പങ്ങളില്‍ അലങ്കരണാര്‍ഥം പദ്മദളാകാരത്തിലുള്ള കൊത്തുപണികള്‍ നടത്തുന്നതിനു പാശ്ചാത്യരാജ്യങ്ങളില്‍ പറഞ്ഞുവരുന്ന പേര്. ഈജിപ്തിലും ഏഷ്യന്‍ രാജ്യങ്ങളിലും നിലവിലുണ്ടായിരുന്ന ഈ സമ്പ്രദായം ഗ്രീക്കുകാര്‍ സ്വീകരിക്കുകയും കൂടുതല്‍ ആകര്‍ഷകമായ ഒരു ശൈലിയില്‍ ആവിഷ്കരിക്കുകയും ചെയ്തു. വിരിച്ചുപിടിച്ച കൈപ്പത്തിയിലെ വിരലുകള്‍ പോലെ ദളങ്ങള്‍ വിവിധ കോണങ്ങളില്‍ മുകളിലേക്കു കതിര്‍കണക്കെ നില്ക്കുന്ന രീതിയില്‍ ക്രമീകരിച്ചിട്ടുള്ള ഈ രൂപവിന്യാസം അലങ്കരണകലയുടെ ഒരു ഭാഗമായി സ്വീകരിക്കയും വാസ്തുശില്പങ്ങളിലേക്കു പകര്‍ത്തുകയും ചെയ്തുവന്നു. ആധുനികവാസ്തുവിദ്യയിലും ഇന്ന് ഈ ശൈലിയിലുള്ള അലങ്കരണസമ്പ്രദായത്തിനു ഗണ്യമായ സ്ഥാനം ലഭിച്ചിട്ടുണ്ട്. കെട്ടിടങ്ങളുടെ കമഴ്ത്തോടുകളിലും മൂല ഓടുകളിലും മാത്രമല്ല സ്തൂപികാഗ്രങ്ങളില്‍പ്പോലും ഈ ശൈലിയിലുള്ള രൂപവിന്യാസങ്ങള്‍ അലങ്കരണാര്‍ഥം ചെയ്തുവയ്ക്കാറുണ്ട്.
