This site is not complete. The work to converting the volumes of സര്‍വ്വവിജ്ഞാനകോശം is on progress. Please bear with us
Please contact webmastersiep@yahoo.com for any queries regarding this website.
Reading Problems? see Enabling Malayalam
അസ്വാന്‍
സര്‍വ്വവിജ്ഞാനകോശം സംരംഭത്തില്‍ നിന്ന്
അസ്വാന്‍
Aswan
ഉത്തര ഈജിപ്തില്‍ നൈല്‍നദിയുടെ കിഴക്കേക്കരയിലുള്ള ഒരു നഗരവും ഇതേ പേരുള്ള പ്രവിശ്യയുടെ തലസ്ഥാനവും. ഈജിപ്തിന്റെ തലസ്ഥാനമായ കെയ്റോവില്‍നിന്നും 893 കി.മീ. തെക്കായിട്ടാണ് സ്ഥിതി. കെയ്റോയുമായി റെയില്‍മാര്‍ഗം ബന്ധിക്കപ്പെട്ടിരിക്കുന്നു. ഈജിപ്തിന്റെ അതിര്‍ത്തിയോടടുത്തുളള ഈ നഗരം സുഡാന്‍, എത്യോപ്യ എന്നീ അയല്‍രാജ്യങ്ങളുമായുള്ള വ്യാപാരത്തിന്റെ കേന്ദ്രവും സൈനികസങ്കേതവുമാണ്. നദീതീരത്തെ അതിവിസ്തൃതമായ ഒരു സമതലത്തിലാണ് ഈ പട്ടണം സ്ഥാപിക്കപ്പെട്ടിരിക്കുന്നത്. ഒരു സുഖവാസകേന്ദ്രമെന്ന നിലയില്‍ ധാരാളം സഞ്ചാരികളെ ആകര്‍ഷിക്കുന്നു. വിസ്തൃതി: 883 ച.കി.മീ.
ഈ നഗരത്തിന്റെ പ്രാധാന്യം, ഇതിന് 5.6 കി.മീ. ദൂരത്തായുള്ള അസ്വാന്‍ അണക്കെട്ടുമൂലം ഇരട്ടിച്ചിട്ടുണ്ട്. സോവിയറ്റ് സഹകരണത്തോടെ 1956-ല്‍ പണി ആരംഭിച്ച അസ്വാന്‍ ഹൈ ഡാം (Aswan High Dam) പട്ടണത്തിനടുത്തുള്ള മറ്റൊരു കൂറ്റന്‍ അണക്കെട്ടാണ്. നോ: അസ്വാന്‍ അണക്കെട്ട്
