This site is not complete. The work to converting the volumes of സര്‍വ്വവിജ്ഞാനകോശം is on progress. Please bear with us
Please contact webmastersiep@yahoo.com for any queries regarding this website.
Reading Problems? see Enabling Malayalam
എൽ അലമീന്‍ യുദ്ധം
സര്‍വ്വവിജ്ഞാനകോശം സംരംഭത്തില്‍ നിന്ന്
എല്‍ അലമീന്‍ യുദ്ധം
Battle of El Alamein
രണ്ടാംലോക യുദ്ധകാലത്തെ ഒരു നിർണായക സംഘട്ടനം. ഈജിപ്‌തിലെ എൽ അലമീന്‍ (എൽ അലമയന്‍; എൽ ആലമേന്‍ എന്നും പറയാറുണ്ട്‌) എന്ന സ്ഥലത്തുവച്ച്‌ ബ്രിട്ടീഷ്‌ ജനറലായ ബി.എൽ. മോണ്ട്‌ ഗോമറിയുടെ നേതൃത്വത്തിൽ സഖ്യകക്ഷിസേനയും ഫീൽഡ്‌ മാർഷൽ എർവിന്‍ റോമലിന്റെ നേതൃത്വത്തിൽ അച്ചുതണ്ടുസേനയും തമ്മിൽ 1942 ഒ. 23-24-നു ആരംഭിച്ച ഈ യുദ്ധം ന. 4 വരെ നീണ്ടുനിന്നു. ഈജിപ്‌തിന്റെ വടക്കന്‍ തീരത്ത്‌ അലക്‌സാണ്ട്രിയയ്‌ക്ക്‌ ഏകദേശം 112 കി.മീ. അകലെയുള്ള എൽ അലമീനിൽ വച്ചു നടന്ന തന്ത്രപരമായ മുന്നേറ്റം മൂലമാണ്‌ മോണ്ട്‌ഗോമറി വിജയിയായത്‌. ആലം എൽ ഹൽഫാ യുദ്ധത്തിലെ ജർമന്‍-ഇറ്റാലിയന്‍ സൈനിക പരാജയമാണ്‌ എന്‍ അലമീന്‍ യുദ്ധ വിജയത്തിന്‌ അടിത്തറ പാകിയത്‌. ജന. മോണ്ട്‌ ഗോമറി അതുപയോഗപ്പെടുത്തി, രണ്ടാംലോകയുദ്ധത്തിലെ ഏറ്റവും നിർണായക സമരങ്ങളിലൊന്നായ എൽ അലമീന്‍ യുദ്ധത്തിൽ വിജയം നേടി. ഈ യുദ്ധത്തിൽ അച്ചുതണ്ട്‌ സേനകള്‍ക്ക്‌ വമ്പിച്ച നാശനഷ്‌ടങ്ങള്‍ സംഭവിച്ചു. ടൂണിസിലേക്കുള്ള സഖ്യസേനയുടെ വിജയകരമായ മുന്നേറ്റത്തിന്‌ പശ്ചാത്തലമൊരുക്കിയത്‌ ഈ യുദ്ധവിജയമായിരുന്നു. നോ. രണ്ടാംലോകയുദ്ധം
