This site is not complete. The work to converting the volumes of സര്‍വ്വവിജ്ഞാനകോശം is on progress. Please bear with us
Please contact webmastersiep@yahoo.com for any queries regarding this website.
Reading Problems? see Enabling Malayalam
കുഞ്ഞന്‍ബാവാ മുസലിയാർ
സര്‍വ്വവിജ്ഞാനകോശം സംരംഭത്തില്‍ നിന്ന്
കുഞ്ഞന്‍ബാവാ മുസലിയാർ
19-ാം ശതകത്തിന്റെ ഉത്തരാർധത്തിൽ ജീവിച്ചിരുന്ന ഒരു മതപണ്ഡിതനും അറബി മലയാള സാഹിത്യകാരനും. പൊന്നാനി മൂദർ രിസായിരുന്ന കുഞ്ഞന്‍ബാവ മുസലിയാർ "അബ്‌ദുറഹിമാന്‍' എന്ന പേരിലും അറിയപ്പെട്ടിരുന്നു. അക്കാലത്ത്‌ പള്ളി ദർസുകളിലാണ്‌ മതപഠനം നടത്തിയിരുന്നത്‌. ഇദ്ദേഹം മതപഠനം നേടിയതും പണ്ഡിതനായി ഉയർന്നതും പൊന്നാനിയിലെ പള്ളി ദർസുകളിൽ ആയിരുന്നു. പ്രധാന ഗുരു കൊങ്ങണാവീട്ടിൽ സൈനുദ്ദീന്‍ മുസലിയാർ ആയിരുന്നു. ആധുനിക വിദ്യാഭ്യാസ പ്രചരണത്തിൽ താത്‌പര്യം പ്രകടിപ്പിച്ച മുസലിയാർ അറബിയിലും അറബി-മലയാളത്തിലും പല കൃതികളും എഴുതിയിട്ടുണ്ട്‌. ഇള്‌ഹാറുള്‍ ഹഖ്‌, ഹഖുൽ മുബീന്‍ നൂറൽ ഇസ്‌ലാം മുതലായവ അവയിൽ ചിലതാണ്‌. സലാഹുൽ ഇഖ്‌വാന്‍ പത്രത്തിൽ ഇദ്ദേഹം മതപരമായ ധാരാളം ലേഖനങ്ങള്‍ എഴുതിയിട്ടുണ്ട്‌. ഇദ്ദേഹം ഹിജ്‌റ 1341-ൽ തന്റെ 68-ാമത്തെ വയസ്സിൽ പൊന്നാനിയിൽ വച്ച്‌ നിര്യാതനായി. മികച്ച ഒരു അറബി കവിയും ഉർദു, പാർസി, തമിഴ്‌ ഭാഷാപണ്ഡിതനും ഒട്ടധികം ഖണ്ഡകാവ്യങ്ങളുടെ രചയിതാവുമായ അബു റഹ്മത്ത്‌ മുഹമ്മദ്‌ മൗലവി സാഹിബ്‌ ഇദ്ദേഹത്തെ സംബന്ധിച്ച്‌ ഒരു വിലാപകാവ്യം എഴുതിയിട്ടുണ്ട്‌.
(സി.എന്‍. അഹമ്മദ്‌ മൗലവി)
