This site is not complete. The work to converting the volumes of സര്‍വ്വവിജ്ഞാനകോശം is on progress. Please bear with us
Please contact webmastersiep@yahoo.com for any queries regarding this website.
Reading Problems? see Enabling Malayalam

സര്‍വ്വവിജ്ഞാനകോശം സംരംഭത്തില്‍ നിന്ന്

എലീനർ (1245? - 90)

Eleanor

ഇംഗ്ലണ്ടിലെ എഡ്വേഡ്‌ കന്റെ പത്‌നി. കസ്റ്റീലിലെ ഫെർഡിനന്‍ഡ്‌ കകക ആയിരുന്നു പിതാവ്‌. പൊന്തിയൂവിലെ പ്രഭുവായ സെമന്റെ പുത്രി ജൊവാന്‍ ആയിരുന്നു മാതാവ്‌. എലീനറുടെ സഹോദരനായ കസ്റ്റീലിലെ അൽഫോന്‍സോ ത ഗാസ്‌കനിയിലുള്ള തന്റെ അവകാശം എഡ്വേഡിനു വിട്ടുകൊടുത്തു. എലീനർ ഇംഗ്ലണ്ടിൽ വന്ന്‌ വിന്‍ഡ്‌സർ ബംഗ്ലാവിൽ താമസം തുടങ്ങി. അധികം താമസിയാതെ ഫ്യൂഡലിസ്റ്റു ശക്തികള്‍ ലെവിസ്‌ (Lewes)യെുദ്ധത്തിൽ രാജകീയകക്ഷിയെ പരാജയപ്പെടുത്തി. സുരക്ഷിതത്വത്തിനുവേണ്ടി എഡ്വേഡ്‌ എലീനറെ ഫ്രാന്‍സിലേക്കയച്ചു. "ഈവ്‌ഷം' (Evesham) യുദ്ധത്തിൽ എഡ്വേഡ്‌ വിജയിച്ചതോടെ 1265 ഒക്‌ടോബറിൽ എലീനർ ഇംഗ്ലണ്ടിൽ മടങ്ങിയെത്തി. കുരിശുയുദ്ധത്തിൽ (1270-73) എലീനർ എഡ്വേഡിനെ അനുഗമിച്ചു. അക്രയിൽ വച്ച്‌, വിഷംപുരട്ടിയ കഠാരയുടെ പ്രയോഗത്തിൽ എഡ്വേഡിനു മുറിവേറ്റപ്പോള്‍ ആ മുറിവിൽനിന്നു തന്റെ അധരങ്ങള്‍കൊണ്ട്‌ എലീനർ വിഷം വലിച്ചെടുത്തതായി ഐതിഹ്യമുണ്ട്‌. എഡ്വേഡിനെ ഇപ്രകാരം രക്ഷിച്ചതോടെ എലീനർ പ്രഖ്യാതയായിത്തീർന്നു. 1274 ആഗ. 19-നു എഡ്വേഡിനോടൊപ്പം എലീനർ രാജ്ഞിയായി അഭിഷിക്തയായി. 1279-ൽ തന്റെ മാതാവിൽ നിന്നും പൊന്തിയൂകൗണ്ടിയുടെ അവകാശം ലഭിച്ചു. യഹൂദപണമിടപാടുകാരെ ഉപയോഗിച്ച്‌ ഭൂമി സമ്പാദിച്ചുവെന്നും കുടിയാന്മാരുടെമേൽ അന്യായമായ വ്യവസ്ഥകളിലേർപ്പെടുത്തിയെന്നുമുള്ള ആരോപണങ്ങള്‍ക്ക്‌ അവർ വിധേയയായി. എന്നാൽ വ്യക്തിപരമായി അവർ ധർമിഷ്‌ഠയും ദയാലുവുംതന്നെയായിരുന്നു. 1290-ൽ നോട്ടിങ്‌ഹാം ഷയറിലെ ഹാർബിയിൽ അവർ അകാലചരമമടഞ്ഞു. എലീനറുടെ സ്‌മരണയ്‌ക്കുവേണ്ടി, ലണ്ടനിലേക്കുള്ള യാത്രാമധ്യേ അവരുടെ മൃതദേഹമിറക്കിവച്ച സ്ഥലങ്ങളിൽ എഡ്വേഡ്‌ പ്രസിദ്ധമായ "എലീനർ കുരിശുകള്‍' സ്ഥാപിക്കുകയുണ്ടായി.