This site is not complete. The work to converting the volumes of സര്‍വ്വവിജ്ഞാനകോശം is on progress. Please bear with us
Please contact webmastersiep@yahoo.com for any queries regarding this website.
Reading Problems? see Enabling Malayalam
ആൽക്കലോസിസ്‌
സര്‍വ്വവിജ്ഞാനകോശം സംരംഭത്തില്‍ നിന്ന്
ആൽക്കലോസിസ്‌
Alkalosis
രക്തത്തിലോ പ്ലാസ്‌മയിലോ ഉള്ള ആൽക്കലിയുടെ അളവ്‌ ക്രമാതീതമായി വർധിക്കുന്ന അവസ്ഥ. അനിയന്ത്രിതമായ ഛർദി മൂലം ശരീരത്തിലെ അമ്ലം ധാരാളമായി നഷ്‌ടപ്പെടുന്നതിന്റെ ഫലമായാണ്‌ സാധാരണയായി ഈ രോഗം ഉണ്ടാവുക. അന്റാസിഡു(Antacid)കളോ ആൽക്കലികളോ (Alkalies) കെൂടിയ അളവിൽ കഴിക്കുന്നതുകൊണ്ടും ആൽക്കലോസിസ്‌ ഉണ്ടാകാം. പെപ്‌റ്റിക്‌ അള്‍സർ, അജീർണം തുടങ്ങിയ രോഗങ്ങള്‍ക്ക്‌ സോഡിയം ബൈ കാർബണേറ്റ്‌ പോലെയുള്ള മരുന്നുകള്‍ അധികമായി കഴിക്കുന്നതും ആൽക്കലോസിസിന്‌ കാരണമാകാറുണ്ട്‌. രോഗിയുടെ പേശികള്‍ക്ക്‌ ക്ഷീണവും, തൊലിയിൽ കുത്തുന്നതുപോലെയുള്ള തോന്നലും ഉണ്ടാകാം. ചിലപ്പോള്‍ രോഗിയുടെ ശ്വസനനിരക്ക്‌ വളരെ താണുപോവുകയും പേശിവലിവ്‌ (cramp) ഉണ്ടാവുകയും ചെയ്യാറുണ്ട്‌.
ആൽക്കലോസിസ്‌ ഉണ്ടാവാന്‍ കാരണമായ രോഗങ്ങള്‍ക്ക്‌ ആവശ്യമായ ചികിത്സ ചെയ്‌ത്‌ ഈ അവസ്ഥയ്‌ക്ക്‌ പരിഹാരം കണ്ടെത്താം. ഉദാഹരണത്തിന്‌ കഠിനമായ ഛർദി മൂലം ശരീരത്തിൽനിന്നും ഒരു നല്ല അളവ്‌ ക്ലോറൈഡ്‌ നഷ്‌ടപ്പെടുകയാണെങ്കിൽ ഒരു "ലവണലായനി' (Saline solution) ഞരമ്പുകളിലൂടെ രോഗിയുടെ ശരീരത്തിലെത്തിച്ച്‌ (transfusion) രോഗം ഭേദമാക്കാവുന്നതാണ്‌.
