This site is not complete. The work to converting the volumes of സര്‍വ്വവിജ്ഞാനകോശം is on progress. Please bear with us
Please contact webmastersiep@yahoo.com for any queries regarding this website.
Reading Problems? see Enabling Malayalam
ആർക്കിലോക്കസ്‌ (ബി.സി. 8-ാം ശ.)
സര്‍വ്വവിജ്ഞാനകോശം സംരംഭത്തില്‍ നിന്ന്
ആർക്കിലോക്കസ്‌ (ബി.സി. 8-ാം ശ.)
Archilocus
ഗ്രീക്ക്‌ കവി. ബി.സി. 710-ൽ പാരോസ്‌ദ്വീപിൽ ജനിച്ചതായി കരുതപ്പെടുന്നു. പിതാവ്‌ താസോസ്‌ദ്വീപിലെ പാരിയന്‍കോളനിയുടെ സ്ഥാപകനായ ഒരു പ്രഭുവും മാതാവ്‌ താസോസുകാരിയായ ഒരു അടിമസ്‌ത്രീയും ആണെന്നാണ്‌ വിശ്വസിക്കപ്പെട്ടുവരുന്നത്‌. പ്രാചീനയവനമഹാകവികളിലൊരാളായ ആർക്കിലോക്കസും അദ്ദേഹത്തിന്റെ സമകാലികനായിരുന്ന കാല്ലിനസ്സും ചേർന്നാണ്‌ ഈരടികളിൽ നിബദ്ധമായ വിലാപഗീതത്തെ ഒരു കാവ്യപ്രസ്ഥാനമാക്കി വളർത്തിയെടുത്തത്‌. ഹാസ്യകവനങ്ങളാണ്‌ ആർക്കിലോക്കസിന്റെ സാഹിത്യ സൃഷ്‌ടികളിൽ ഭൂരിഭാഗവും; സംക്ഷിപ്‌തത, ശക്തി, മൂർച്ച എന്നിവ അദ്ദേഹത്തിന്റെ ശൈലിയുടെ സവിശേഷതകളാണ്‌.
ആർക്കിലോക്കസിനെ വിവാഹം കഴിക്കാമെന്ന്‌ ലിക്കാംബസ്‌ എന്നൊരാളുടെ മകള്‍ നിയോബുലെ സമ്മതിച്ചിരുന്നു; എന്നാൽ ആർക്കിലോക്കസ്‌ കുലീനനല്ലെന്ന കാരണത്താൽ അവള്‍ പിന്നീട്‌ തന്റെ വാഗ്‌ദാനം ലംഘിക്കുകയുണ്ടായി. ഈ അനുഭവത്തെ അടിസ്ഥാനമാക്കി ആർക്കിലോക്കസ്‌ ഒരു പരിഹാസകവനം രചിച്ചു. ആക്ഷേപ ശരങ്ങള്‍ക്കു വിധേയമായ ലിക്കാംബസ്‌ കുടുംബം ഒന്നടങ്കം ആങ്ങഹത്യചെയ്‌തതായി പറയപ്പെടുന്നു. ആർക്കിലോക്കസ്‌ പിന്നീട്‌ താസോസിൽപോയി താമസിച്ചു. വേതനത്തിനോ വിനോദത്തിനോവേണ്ടി എവിടെപ്പോയും ധീരസാഹസിക പ്രവർത്തനത്തിലേർപ്പെടാന്‍ തയ്യാറുള്ള ഒരു പടയാളിയെന്നനിലയിൽ ഇദ്ദേഹം ത്രസ്‌ തുടങ്ങിയ പല സ്ഥലങ്ങളിലും സേവനമനുഷ്‌ഠിച്ചു. പട്ടാളജീവിതത്തിനിടയിലും ഇദ്ദേഹം കവിതകള്‍ എഴുതിക്കൊണ്ടിരുന്നു. ഇദ്ദേഹത്തിന്റെ ജീവിതം സുഖപൂർണമായിരുന്നില്ലെന്ന്‌ പിന്‍ഡാറിന്റെ ഒരു പരാമർശത്തിൽ കാണുന്നു. പാരോസ്‌ യുദ്ധത്തിൽ ആർക്കിലോക്കസ്‌ കൊല്ലപ്പെട്ടു.
ത്രിഗണവൃത്തത്തിന്റെ (lambic trimeter) ജനയിതാവാണ്‌ ആർക്കിലോക്കസ്‌; ആങ്ങനിഷ്‌ഠാനുഭവങ്ങളും വികാരങ്ങളും കാവ്യവിഷയമാക്കി സാഹിത്യത്തിൽ വൈയക്തികഭാവം ആവിഷ്‌കരിച്ച ആദ്യത്തെ പാശ്ചാത്യ കവിയും ഇദ്ദേഹം തന്നെ. നിശിത വിമർശനവും തത്ത്വവിചിന്തനവും ആ കവിതകളെ ഈടുറ്റതാക്കുന്നു. നാടന്‍ പാട്ടുകള്‍ക്കനുഗുണമായ ഛന്ദസ്സുകളും സംഭാഷണങ്ങളും ജന്തുകഥകളുമാണ്‌ ആർക്കിലോക്കസ്‌ കവിതകളുടെ ഉപകരണങ്ങള്‍. ഒരു കൃതിയും പൂർണരൂപത്തിൽ ലഭിച്ചിട്ടില്ല. കണ്ടുകിട്ടിയിടത്തോളം പാപ്പിറസ്‌ഗ്രന്ഥാവശിഷ്‌ടങ്ങള്‍, ബ്യുദേ പരമ്പരയിൽ (ആൗറല'ല ടലശേല, 1958) ഫ്രഞ്ചുവിവർത്തനത്തോടുകൂടി എഫ്‌. ലസ്സേറേ, എ. ബൊച്ചാദ്‌ എന്നിവർ പ്രസാധനം ചെയ്‌തിട്ടുണ്ട്‌.
