This site is not complete. The work to converting the volumes of സര്‍വ്വവിജ്ഞാനകോശം is on progress. Please bear with us
Please contact webmastersiep@yahoo.com for any queries regarding this website.
Reading Problems? see Enabling Malayalam
ഒതളം
സര്‍വ്വവിജ്ഞാനകോശം സംരംഭത്തില്‍ നിന്ന്
ഒതളം
അപ്പോസൈനേസീ സസ്യകുടുംബത്തിൽപ്പെടുന്ന ഇടത്തരം വൃക്ഷം. ശാ.നാ.: സെർബെറാ ഒഡോളം (Cerbera odollum). ചതുപ്പുനിലങ്ങളിലും കായലോരങ്ങളിലും മറ്റു ജലാശയതീരങ്ങളിലും വളരുന്ന ഈ വൃക്ഷം ഇന്ത്യ, ശ്രീലങ്ക, ലക്ഷദ്വീപ്‌ എന്നിവിടങ്ങളിൽ സാധാരണ കണ്ടുവരുന്നു.
ഒതള(ഉതള)ത്തിന്റെ വിത്ത്‌, പട്ട, ഇല, കറ എന്നിവയ്‌ക്ക്‌ ഔഷധഗുണമുണ്ട്‌. ഇലയും പാലുപോലുള്ള കറയും (latex) ഛർദിയുണ്ടാക്കുന്നതും വിരേചകവുമാണ്‌. ഒതളങ്ങയിൽനിന്നും സെറിബെറിന്‍ (cereberin), ഒഡോളിന്‍ (odollin) തുടങ്ങിയ പദാർഥങ്ങള്‍ വേർതിരിച്ചെടുക്കുന്നുണ്ട്‌. ഈ വസ്‌തുക്കളാണ്‌ ഇതിലെ വിഷാംശത്തിനു നിദാനം. മഞ്ഞയരളിയിൽ ധാരാളമുള്ള തെവറ്റിന്‍ (thevetin) എന്ന വിഷവസ്‌തു ഒതളങ്ങയിലും ഉണ്ടെന്ന്‌ പഠനങ്ങള്‍ തെളിയിക്കുന്നു. ലിനോലിയിക്‌ അമ്ലം (16.4 ശ.മാ.), പാൽമിറ്റിക്‌ അമ്ലം (30 ശ.മാ.) എന്നിവയും ഒതളങ്ങയിൽ അടങ്ങിയിട്ടുണ്ട്‌. കായ്‌ തിന്നുമ്പോള്‍ തുടർച്ചയായ ഛർദിയും ശരീരത്തിന്‌ ബലക്ഷയവും അനുഭവപ്പെടുന്നു; ചിലപ്പോള്‍ മരണവും സംഭവിക്കാറുണ്ട്‌. മീന്‍പിടിക്കാനുള്ള വിഷമായും ഒതളങ്ങ ഉപയോഗിക്കുന്നു. അഭിപ്രായസ്ഥിരതയില്ലാത്തവരെ സൂചിപ്പിക്കുന്നതിന്‌, "വെള്ളത്തിൽ ഒതളങ്ങപോലെ' എന്നൊരു ഭാഷാശൈലി പ്രചാരത്തിലുണ്ട്‌.
