This site is not complete. The work to converting the volumes of സര്‍വ്വവിജ്ഞാനകോശം is on progress. Please bear with us
Please contact webmastersiep@yahoo.com for any queries regarding this website.
Reading Problems? see Enabling Malayalam
എസ്റ്റേറ്റ്‌സ്‌ ജനറൽ
സര്‍വ്വവിജ്ഞാനകോശം സംരംഭത്തില്‍ നിന്ന്
Mksol (സംവാദം | സംഭാവനകള്‍) (→Estates General) |
Mksol (സംവാദം | സംഭാവനകള്‍) (→എസ്റ്റേറ്റ്‌സ്‌ ജനറൽ) |
||
| വരി 1: | വരി 1: | ||
| - | == എസ്റ്റേറ്റ്‌സ്‌ | + | == എസ്റ്റേറ്റ്‌സ്‌ ജനറല്‍ == |
| - | + | ||
== Estates General == | == Estates General == | ||
Current revision as of 05:11, 18 ഓഗസ്റ്റ്‌ 2014
എസ്റ്റേറ്റ്‌സ്‌ ജനറല്‍
Estates General
ഫ്രഞ്ച്‌ രാജവാഴ്‌ചക്കാലത്തെ പുരോഹിതര്‍, കുലീനര്‍, ബൂര്‍ഷ്വാസി എന്നീ സാമൂഹിക വര്‍ഗങ്ങളുടെ പ്രതിനിധികള്‍ ചേര്‍ന്ന ദേശീയ പാര്‍ലമെന്റ്‌. മധ്യകാലഘട്ടങ്ങളില്‍ മിക്ക യൂറോപ്യന്‍ രാജ്യങ്ങളിലും ഇത്തരം പ്രതിനിധിസഭകള്‍ നിലവിലിരുന്നു. എങ്കിലും ഫ്രാന്‍സിലെ ജനപ്രതിനിധി സഭയെയാണ്‌ ഈ പദംകൊണ്ട്‌ പ്രധാനമായും വിവക്ഷിച്ചിരുന്നത്‌.
18-ാം ശതകത്തിന്റെ ഏകദേശം അന്ത്യംവരെ ഈ അസംബ്ലികള്‍ എസ്റ്റേറ്റുകളുടെ അഥവാ സാമൂഹികവര്‍ഗങ്ങളുടെ പ്രതിനിധികള്‍ ഉള്‍ക്കൊള്ളുന്നവയായിരുന്നു. പൗരോഹിത്യവര്‍ഗം, അഭിജാതവര്‍ഗം, പ്രതേ്യകാവകാശങ്ങളുള്ള ഇതരവര്‍ഗങ്ങള്‍-പ്രധാനമായും പട്ടണങ്ങളിലെ ബൂര്‍ഷ്വാസി എന്നിവര്‍ യഥാക്രമം ഒന്നും രണ്ടും മൂന്നും എസ്റ്റേറ്റുകളെ പ്രതിനിധാനം ചെയ്‌തിരുന്നു. വര്‍ഗങ്ങള്‍ എന്നതിലുപരി എസ്റ്റേറ്റുകള്‍ അവയുടെ പ്രതിനിധികളെ സൂചിപ്പിക്കുന്ന പദമായി മാറി. എസ്റ്റേറ്റുകള്‍ അവര്‍ പ്രതിനിധാനം ചെയ്യുന്ന ജനവിഭാഗങ്ങള്‍ക്ക്‌ വേണ്ടിയല്ല, പകരം രാജ്യതാത്‌പര്യത്തെ പൊതുവേ ഉദ്ദേശിച്ചാണ്‌ നിലകൊണ്ടിരുന്നത്‌; എങ്കിലും കര്‍ഷകരുടെയും സാമാന്യജനങ്ങളുടെയും ശബ്‌ദം അപൂര്‍വമായി മാത്രമേ ഇവിടെ കേട്ടിരുന്നുള്ളു. എസ്റ്റേറ്റുകള്‍ വിളിച്ചുകൂട്ടുന്നതും ചര്‍ച്ച ചെയ്യേണ്ട വിഷയങ്ങള്‍ നിര്‍ണയിക്കുന്നതും രാജാവായിരുന്നു. വിവിധ എസ്റ്റേറ്റുകളുടെ ചര്‍ച്ച മിക്കപ്പോഴും രഹസ്യമായിട്ടായിരിക്കും. എന്നാല്‍ അവ വിവിധ മാര്‍ഗങ്ങളിലൂടെ സംയോജിപ്പിക്കുവാനുള്ള സംവിധാനമുണ്ടായിരുന്നു. തീരുമാനങ്ങള്‍ മിക്കവാറും ഏകകണ്‌ഠമാകേണ്ടിയിരുന്നു; എന്നാല്‍ അടിയന്തരഘട്ടങ്ങളില്‍ കേവലഭൂരിപക്ഷതീരുമാനങ്ങളും സ്വീകാര്യമായിരുന്നു.
13-ാം ശതകത്തിന്റെ ആരംഭത്തില്‍ ഫ്രഞ്ച്‌ രാജവാഴ്‌ചക്കാലത്ത്‌ ആരംഭിച്ച ഈ സമ്പ്രദായം 18-ാം ശതകത്തിന്റെ അന്ത്യം വരെ തുടര്‍ന്നു.
19-ാം ശതകത്തില്‍ യൂറോപ്പില്‍ രൂപംപ്രാപിച്ച ആധുനികപാര്‍ലമെന്റുകള്‍, വിവിധ രാജ്യങ്ങളിലെ എസ്റ്റേറ്റുകള്‍ നേരത്തെ കൈവരിച്ച നേട്ടങ്ങളുടെ ചരിത്രപരമായ തുടര്‍ച്ചയാണ്‌.
