This site is not complete. The work to converting the volumes of സര്‍വ്വവിജ്ഞാനകോശം is on progress. Please bear with us
Please contact webmastersiep@yahoo.com for any queries regarding this website.
Reading Problems? see Enabling Malayalam
ഒനേസിമോസ്‌
സര്‍വ്വവിജ്ഞാനകോശം സംരംഭത്തില്‍ നിന്ന്
Mksol (സംവാദം | സംഭാവനകള്‍)
(പുതിയ താള്‍: == ഒനേസിമോസ്‌ == (ബി.സി. 5-ാം ശ. പൂർവാർധം) ഒരു ഗ്രീക്ക്‌ ചഷകവർണലേപക...)
അടുത്ത വ്യത്യാസം →
06:26, 15 ജൂണ്‍ 2014-നു നിലവിലുണ്ടായിരുന്ന രൂപം
ഒനേസിമോസ്‌
(ബി.സി. 5-ാം ശ. പൂർവാർധം)
ഒരു ഗ്രീക്ക്‌ ചഷകവർണലേപകനും ചിത്രകാരനും. തീവ്രവർണലേപന ശൈലിയുടെ ഒരു പ്രതിനിധികൂടിയാണിദ്ദേഹം. മുന്‍ഗാമികളായിരുന്ന യൂഫ്രാണിയസ്‌, ഒള്‍ടോസ്‌ എന്നിവരെപ്പോലെ ഇദ്ദേഹം പാനപാത്രാലങ്കരണകലയിൽ സവിശേഷപ്രാഗല്‌ഭ്യം നേടി. ചിത്രവർണാലങ്കരണത്തിൽ മുദ്രിതമാകുന്ന ചിത്രം ഉള്‍ക്കൊള്ളുന്ന വിഷയത്തിന്‌ പ്രാധാന്യം നല്‌കിക്കൊണ്ടുള്ള ഒരു രചനാശൈലിയാണ്‌ ഇദ്ദേഹം നിലനിർത്തിപ്പോന്നത്‌. സിയനാ(Siena)യ്‌ക്കടുത്തുള്ള കിയുസി(Chiusi)യിൽനിന്നു കണ്ടെടുത്തിട്ടുള്ള അഥീനിയന്‍ പാനപാത്രം ഇതിനുദാഹരണമാണ്‌. പാരമ്പര്യരീതിയിൽ യവനപുരാണേതിഹാസങ്ങളിലെ ഇതിവൃത്തങ്ങള്‍ ചിത്രരചനയ്‌ക്കു വിഷയമാക്കുന്നതിൽ ഒനേസിമോസ്‌ തത്‌പരനായിരുന്നെങ്കിലും അനുദിന ജീവിതദൃശ്യങ്ങള്‍ ആവിഷ്‌കരിക്കുന്നതിലും തന്റെ വൈദഗ്‌ധ്യം പ്രകടമാക്കാന്‍ ഇദ്ദേഹത്തിനു കഴിഞ്ഞിട്ടുണ്ട്‌. പ്രതേ്യകിച്ചും മൽപ്പിടുത്തവും കായികാഭ്യാസവും മറ്റും ചെയ്യുന്ന കുട്ടികളുടെ ചിത്രങ്ങളിൽ അധ്വാനിക്കുന്ന മനുഷ്യന്റെ നഗ്നശരീര വടിവുകള്‍ ആകർഷകമായും കലാപരമായും ആവിഷ്‌കരിക്കുന്നതിൽ ഇദ്ദേഹം വിജയിച്ചിട്ടുണ്ട്‌. ഇത്തരം ചിത്രങ്ങളിൽ ഇദ്ദേഹത്തിന്റെ സൂക്ഷ്‌മഗ്രഹണ പാടവം വ്യക്തമാണ്‌. കൃത്യമായും ലളിതമായും അതേസമയം ദൃഢമായുമുള്ള രേഖകളിൽ ചലനത്തിന്റെ സവിശേഷത പകരുവാന്‍ കഴിവുള്ള ഒനേസിമോസിന്റെ രചനകളിൽ നൃത്തനാടകവേദികളിൽ പങ്കെടുക്കുന്ന കലാകാരന്മാരുടെയും ഹോമർ തുടങ്ങിയ യവനകവികളുടെയും കഥാപാത്രങ്ങളുടെയും ചിത്രങ്ങള്‍ ഏറ്റവും മെച്ചപ്പെട്ട നിലവാരം പുലർത്തുന്നവയാണ്‌.
