This site is not complete. The work to converting the volumes of സര്‍വ്വവിജ്ഞാനകോശം is on progress. Please bear with us
Please contact webmastersiep@yahoo.com for any queries regarding this website.
Reading Problems? see Enabling Malayalam
ഓസ്റ്റിയോമലേസ്യ
സര്‍വ്വവിജ്ഞാനകോശം സംരംഭത്തില്‍ നിന്ന്
Mksol (സംവാദം | സംഭാവനകള്‍)
(പുതിയ താള്‍: == ഓസ്റ്റിയോമലേസ്യ == == Osteomalacia == ധാതുജപദാർഥങ്ങളുടെ(mineral substances) കുറവു...)
അടുത്ത വ്യത്യാസം →
19:18, 22 ഏപ്രില്‍ 2014-നു നിലവിലുണ്ടായിരുന്ന രൂപം
ഓസ്റ്റിയോമലേസ്യ
Osteomalacia
ധാതുജപദാർഥങ്ങളുടെ(mineral substances) കുറവുമൂലം എല്ലുകള്‍ക്കുണ്ടാകുന്ന മൃദുത്വം. തരുണാസ്ഥികളിൽ (cartilages)ധാതുജ ലവണങ്ങളുടെ അന്തർനിക്ഷേപമുള്ളതുകൊണ്ടാണ്‌ സാമാന്യമായി ഉറപ്പും സ്‌പ്രിങ്ങിനെന്നപോലെ പിന്തള്ളൽ സ്വഭാവവും ഉണ്ടാകുന്നത്‌. അതുകൊണ്ടാണ്‌ ഈ നിക്ഷേപങ്ങളിൽ കുറവുണ്ടാകുമ്പോള്‍ എല്ലുകള്‍ക്കു ബലക്ഷയവും മാർദവവും അനുഭവപ്പെടുന്നത്‌. അസ്ഥികളുടെ ഭൂരിഭാഗവും കാത്സ്യവും ഫോസ്‌ഫേറ്റുംകൊണ്ടുനിർമിതമാണ്‌. ഈ രണ്ടംശങ്ങളും സാധാരണമായി ആഹാരത്തിലടങ്ങിയിരിക്കും.
അന്നപഥത്തിൽനിന്ന്‌ ഇവയുടെ ചെറിയ ഒരു ഭാഗം മാത്രമേ ശരീരത്തിലേക്ക്‌ ആഗിരണം ചെയ്യപ്പെടുന്നുള്ളൂ. അധികഭാഗവും മലത്തിലൂടെയും ചെറിയ ഒരളവിൽ മൂത്രത്തിലൂടെയും വിസർജിക്കപ്പെടുന്നു. ഇപ്രകാരം ആഗിരണം ചെയ്യപ്പെടുന്നതും വിസർജിക്കപ്പെടുന്നതുമായ ഈ ധാതുജങ്ങള്‍ ശരീരത്തിൽ ഒരു സന്തുലിതാവസ്ഥ പുലർത്തിപ്പോരുന്നുണ്ട്‌. ഏതെങ്കിലും വിധത്തിൽ ഈ സന്തുലിതാവസ്ഥ നഷ്‌ടപ്പെട്ട്‌ കാത്സ്യവും ഫോസ്‌ഫേറ്റും കൂടുതലായി പുറന്തള്ളപ്പെടുമ്പോള്‍ ഓസ്റ്റിയോമലേസ്യ അനുഭവപ്പെടുന്നു. ആവശ്യമുള്ളത്ര കാത്സ്യം അടങ്ങിയ ആഹാരത്തോടൊപ്പം വിറ്റാമിന്‍ ഡിയും വേണ്ടയളവിൽ കഴിക്കണം. കാത്സ്യത്തിന്റെ ആഗിരണത്തിന്‌ ഈ വിറ്റാമിന്‍ സഹായകമാണ്‌. ആഹാരത്തിൽത്തന്നെ മിക്കവാറും ഇത്‌ വേണ്ടിടത്തോളമുണ്ടാകാറുണ്ട്‌. പാൽ, മറ്റു ക്ഷീരോത്‌പന്നങ്ങള്‍, വെളുത്ത റൊട്ടി, മുട്ട, പലതരം മീനെണ്ണകള്‍ എന്നിവ ഈ വിറ്റാമിന്റെ സ്രാതസ്സുകളാണ്‌ സൂര്യപ്രകാശമേറ്റാൽ വിറ്റാമിന്‍ ഡി ആയി മാറുന്ന എർഗോസ്റ്റിറോള്‍ എന്ന ഒരു രാസദ്രവ്യം മനുഷ്യശരീരത്തിലുണ്ട്‌. ആകയാൽ പ്രകൃതിതന്നെ ഈ വിറ്റാമിന്റെ കാര്യത്തിൽ വേണ്ട മുന്‍കരുതലെടുത്തിരിക്കുന്നു. എങ്കിലും ശീതരാജ്യങ്ങളിൽ, വെയിൽ കമ്മിയാകയാൽ അവിടത്തുകാർക്ക്‌ വിറ്റാമിന്‍ ഡിയുടെയും തദ്വാരാ കാത്സ്യത്തിന്റെയും ആഗിരണത്തിൽ ഹാനി താരതമ്യേന കൂടുതലായിരിക്കും. ഓസ്റ്റിയോമലേസ്യ ആ പ്രദേശങ്ങളിലെ ജനങ്ങളിൽ കൂടുതലായി കണ്ടുവരുന്നു. പർദ ധരിക്കുന്ന സ്‌ത്രീകള്‍, കൂടുതൽ പ്രസവിക്കുന്ന സ്‌ത്രീകള്‍, ശിശുക്കള്‍ എന്നിവർ കാത്സ്യം പ്രത്യേകമായി കഴിക്കേണ്ടവരാണ്‌. മറ്റു കാരണങ്ങള്‍മൂലം (ഉദാ. തുടർച്ചയായ വൃക്കാപ്രവർത്തനപരാജയം) സ്ഥിരമായി വന്നുകൂടിയിട്ടുള്ള അസ്ഥിമൃദുത്വം എളുപ്പത്തിൽ ചികിത്സിച്ചുമാറ്റാന്‍ പ്രയാസമാണ്‌. (നോ. അസ്ഥി; അസ്ഥികൂടരോഗങ്ങള്‍) വൈറ്റമിന്‍ ഡിയുടെ അപര്യാപ്‌തത, വൃക്കരോഗങ്ങള്‍, പോഷകവൈകല്യങ്ങള്‍, പോഷകാഗിരണപ്രശ്‌നങ്ങള്‍, ഫോസ്‌ഫറസിന്റെ ന്യൂനത, ചിലയിനം അർബുദങ്ങള്‍ എന്നിവയാണ്‌ പ്രധാന കാരണങ്ങള്‍.
എല്ലിനു ബലക്ഷയം, അസ്ഥിവേദന, കാലിന്റെ അസ്ഥിക്കുവേദന, പെട്ടെന്നുള്ള ഒടിവുകള്‍, അസ്ഥിവളയൽ, പേശീക്ഷയം, ഇടതിങ്ങിയ കശേരുക്കള്‍ എന്നിവയാണ്‌ രോഗലക്ഷണങ്ങള്‍.
